+12 °С
Ямғыр
Бөтә яңылыҡтар
"Минең өс айым"
16 Август 2019, 16:21
Тәүге баш ҡалаға сәйәхәт
Каникул осорондағы иң иҫтәлекле көндәремдең береһе – Башҡортостандың тәүге баш ҡалаһына сәйәхәт. Унда беҙ, V, VII синыф уҡыусылары, бер төркөм әсәйҙәр, синыф етәксеһе Яңылбикә Рауил ҡыҙы Вәлишина менән бергәләп барҙыҡ. Темәс ауылындағы тарихи музейҙы күреү барыбыҙҙың да күптәнге хыялы ине. Уның хаҡында уҡытыусыбыҙ беҙгә бик күп һөйләгәйне. Шатлыҡ ҡатыш тулҡынланыу менән ҙур булмаған бинаға яҡынлашабыҙ. Унда музей мөдире Рәмилә Риза ҡыҙы Әбсәләмова һәм ғилми хеҙмәткәр Гөлдәр Рауил ҡыҙы Иҙебаева бик йылы ҡаршы алды.
Бына башҡорт халҡының тормош-көнкүрешен, этнографияһын сағылдырған залға үтәбеҙ. Ул матур йыһаздар, башҡорт кейемдәренең боронғолоғо, ябайлығы менән күңелемде арбаны. Гөлдәр Рауил ҡыҙы 1755 – 1756 йылдарҙағы Батырша ихтилалына арналған залы тураһында ентекле һәм мауыҡтырғыс итеп һөйләгәндә уны ихлас тыңлап, шул дәүерҙәргә барып юлыҡҡандай булдыҡ.
Рәссамдар ижадына һоҡлана-һоҡлана икенсе ҡатҡа күтәреләбеҙ. Беҙҙе 1919 йылдағы тәүге Башҡорт хөкүмәтен төҙөүгә арналған мемориаль зал ҡаршы алды. Эйе, бына бит уҡытыусым һөйләгән халҡым улдары! Һәр береһенең тере һыны менән осраштыммы ни?! Күңелемде һоҡланыу ҙа, тетрәнеү ҙә, юҡ-юҡ, әйтеп аңлатҡыһыҙ тойғолар биләп алды. Бабич, Вәлидиҙәр хаҡында һөйләгәндә мин үҙемде сикһеҙ бәхетле тойҙом һәм уларҙың ҡараштары аша ниҙер әйтергә уйлағандарын төшөнгәндәй булдым. «Башҡорт халҡы һәм беҙ, киләсәк быуын, һеҙҙе мәңгегә онотмаясаҡбыҙ», – тип шыбырланым. Синыфташтарымдың музей хеҙмәткәренә яуҙырған һорауҙарынан саҡ үҙемде ҡулға алдым. Фекеремде туплаған арала улар ошондай һындарҙың нисек, ҡайҙа эшләнеүе хаҡында ҡыҙыҡһына ине.
Темәс ауылының тарихы ла беҙҙе битараф ҡалдырманы, сөнки күптәребеҙ фотоһүрәттәр аша туғандарын, таныштарын тапты, ауылдың данлыҡлы шәхестәргә бик бай булыуына тағы ла бер тапҡыр инандыҡ. Музейҙан беребеҙ ҙә сығырға ашыҡманы. Бәғзеләр ҡыҙыҡһындырған һорауҙарына яуап алһалар, икенселәр ҡабат-ҡабат барып ҡарауҙы хуп күрҙе. Ошондай бай мәғлүмәттәр алып, күңелем тулып сыҡтым музейҙан. Үҙемдең иҫтәлекле тәьҫораттарымды атай-әсәйемә, туғандарыма, дуҫтарыма ла еткерәсәкмен.
Шундай матур сәйәхәт ойоштороп, рухи байлығымды тулыландырғаны өсөн уҡытыусым Яңылбикә Рауил ҡыҙына оло рәхмәтлемен.
Зәлиә ИШМУЛЛИНА.
Баймаҡ районы, Кәрешкә мәктәбе.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж