-4 °С
Ҡар
Бөтә яңылыҡтар
"Минең өс айым"
17 Июль 2020, 15:00
Беҙ нисек һыйыр һауҙыҡ?
– Ҡыҙым, һин өйҙә хужабикә булып ҡалаһың, донъяны ҡара, йәме. Себештәргә, өйрәктәргә көнөнә 4 – 5 ҡат ем бутап ашат, алдарында гел һыу булһын, быҙауҙарға ла эсер. Кискә Өфөнән ағайың менән еңгәң ҡайта, һыйырҙарҙы улар һауыр. Кил, аппаратты нисек эшләтергә ҡарап өйрән! – тине лә әсәй һыйыр һауа башланы.
Һауырға, тип әйтеү генә инде. Быйыл һыйыр һауыу аппараты һатып алдыҡ. Хәҙер әсәйҙең эше еңеләйҙе. Һыйырҙың еленен йыуып, ҡаптырып ҡуя ла һөттөң шланг буйлап махсус күнәккә аҡҡанын ҡарап тик ултыра.
Мин иртәнсәк йоҡонан торғанда атай-әсәйҙән елдәр иҫкән ине! Улар Арҡайымға ял итергә киткәйне. Тышҡа сыҡһам, өйрәктәр ашарға таптырып баҡылдаша, бройлерҙар ҙа артымдан ҡалмай эйәреп йөрөй. Эттең дә ашарына бөткән. Ә ҡуяндар тәпәйҙәре менән ситлектәрен бәргесләй, ырҙын артында бәйләп ҡуйылған быҙауҙар ҙа баҡыра. Бына һиңә, мә! Бөтәһен дә ашатырға, эсерергә кәрәк. Нисек өлгөрөрмөн?
Күҙ ҡурҡа, ҡул эшләй, тигәндәй, бөтәһен дә тиҙ башҡарҙым. Телевизор ҡарарға ла, әхирәттәрем менән Ноғай тауына еләккә барырға ла өлгөрҙөм, киске ашты ла әҙерләнем.
– Эй, минең һылыуым ҙур үҫкән икән, донъяны ла һәйбәт ҡарағанһың, картуф та тәмле булды, – тип маҡтаны аҙаҡ Азамат ағайым.
Ул арала көтөү ҙә ҡайтты. Һыйырҙар үҙ сиратын белә, иң тәүҙә Йондоҙ килеп баҫты. Ағай мин өйрәткәнде һанһынманы, тиҙ генә интернет аша һыйыр һауыу аппаратын нисек эшләтергә кәрәклеген ҡарап алды. Икенсе булып Аҡмаңлай мөңрәп сиратҡа баҫты. Өсөнсөһө Снежана ине, ул ап-аҡ башлы, аҡ ҡойроҡло (ҡар яуып торған көндө тыуған быҙау, исемен үҙем ҡуштым), уны ла һауҙыҡ. Эш бөттө. Еңел һулап ҡуйҙыҡ.
– Һылыу, ике күнәк һөт алдыҡ, әсәй һауғанда ла шул тиклем була инеме? – тип һораны ағайым.
– Кисә өс күнәк тора ине, – тигән булам.
– Ҡайҙа, Аҡмаңлайҙы яңынан ҡыуып алып кил. Һөтө аҙ булды, биреп бөтмәгән икән, – тип бик эшлекле ҡиәфәт менән һәүкәште киренән бәйләнеләр ҙә аппаратты тоҡандырып та ебәрҙеләр.
Һыйыр аптырап, боролоп мөңрәне лә һауыу аппаратын типте лә осорҙо. Аҡмаңлайҙың баҡырыуы: «Нимә һеҙ, ҡаптырған һайын бер күнәк һөт бирер, тип уйлайһығыҙмы әллә? Вәт, ҡала һантыйҙары!» – тигән кеүек тойолдо. Ағай менән еңгә аптырашты, хатта әсәйгә шылтыратып һоранылар.
– Их, һылыу, өс күнәктең береһендә аппарат йыуырға һыу булған бит! – тине ағайым.
Бына шулай мажаралы үтте йәйемдең бер көнө.
Айгизә АБЗАЛОВА, VI синыф уҡыусыһы.
Туймазы районы, Бишҡурай ауылы.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж