-6 °С
Болотло
Бөтә яңылыҡтар
Оҫталыҡ дәрестәре
15 Ноябрь 2019, 15:23
Ҡуян итенән бәлеш – иң тәмлеһе!
9-сы дәресҠайһы бер таныштарым ҡуян итен ашамай. Төрлө сәбәптәре бар инде. Бахырҡайҙы йәлләйбеҙ, шуға ашамайбыҙ, тиҙәр. Кемдер ауыҙ итеп ҡараған, әммә оҡшатмаған. Ҡайһы берәүҙәр бөтөнләй был ит менән ҡыҙыҡһынмай. Ә бына беҙ уны яратып ашайбыҙ һәм башҡаларҙы ла һыйлайбыҙ.
Ҡуян итен ҡурырға ла, ыҫларға ла һәм унан аш та, былау ҙа бешерергә мөмкин. Әйткәндәй, иттең составында минерал һәм микроэлементтар: кадмий, селен, фосфор, кальций, фтор, молибден күп. Шулай уҡ В витамины ла бар. Айырыуса табиптар был ризыҡты бәләкәй балаларға, аллергия менән яфаланыусыларға һәм ашҡаҙан-эсәк сирҙәре менән ауырыусыларға ашарға кәңәш итә.
Итте бешерер алдынан маринадлап алырға кәңәш итәләр. Тәүҙә беҙ ҙә шулай эшләй инек. Тик һуйғас та ризыҡ әҙерләһәң, былай мәшәҡәтләнеү кәрәкмәй. Ит йомшаҡ, сит-ят тәм юҡ. Бары тик һуйғанда биҙҙәрен алырға онотмағыҙ.
Әгәр итте маринадлайһығыҙ икән, ул саҡта лимон, май менән һарымһаҡ, майонез, ҡатыҡ, ҡаймаҡ ҡулланыу кәңәш ителә.
Беҙҙең ғаилә яратып ашаған ризыҡтарҙың рецептарын яҙып үтәм. Тәү сиратта, әлбиттә, ҡуян итенән бәлеш. Телеңде йоторлоҡ килеп сыға!
Бәлеш
Ҡамыр өсөн бер ҡап аҡ май, ике йомортҡа, бер стакан һыу йә һөт, ярты аш ҡалағы шәкәр ҡомо һәм тоҙ кәрәк. Уны ҡулға йәбешмәгән, артыҡ ҡаты булмаған итеп ҡамырҙы баҫабыҙ һәм эслекте әҙерләгәнсе һыуытҡысҡа ҡуйып торабыҙ.
Эслек:
Картуф, һуған, лавр япрағы, борос, тоҙ һәм ҡуян ите.
Ҡамырҙы ике өлөшкә бүләбеҙ ҙә бәлеш эшләп, мейескә ҡуябыҙ. Уны талғын утта сәғәт ярым тотабыҙ. Бешеп сыҡҡас, өҫтөн аҡ май һылап, бер аҙға таҫтамал ябып ҡуйырға мөмкин.Бәлешегеҙ тәмле булһын!
Баллы ит
Ҡуян итен һауытҡа бүлгеләп һалып, ике-өс аш ҡалағы бал, самалап тоҙ ҡушып болғатабыҙ. Был маринадта, кәм тигәндә, ике-өс сәғәт ятырға тейеш. Әҙер булғас, картуф өҫтәйбеҙ ҙә мейестә сәғәт ярым бешереп алабыҙ.
Рагу
Итте төрлө тәмләткестәр, бер-ике аш ҡалағы томат пастаһы ҡушып ҡурабыҙ ҙа эре туралған картуф, кишер, кәбеҫтә һалабыҙ. Талғын утта 40 минут тотабыҙ.
Ғөмүмән, ҡуян итенән йәнең теләгән ризыҡты бешерергә мөмкин. Хатта фарш әҙерләп, билмән дә бешереп була. Себерҙә был айырыуса деликатес һанала. Шулай ҙа ҡуян тотаһың икән, ит ризығы өҫтәлдә даими булырға тейештер, тип уйлайым.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж