+12 °С
Ямғыр
Бөтә яңылыҡтар
Осрашыуҙар
11 Ғинуар 2018, 18:14
Яҙыусы килде ҡунаҡҡа
Гимназиябыҙҙа «Ярғанат» исемле хикәйәләр, «Ғәжәп хәбәр» тигән шиғырҙар китабы аша балаларға яҡшы таныш булған Башҡортостандың атҡаҙанған мәҙәниәт хеҙмәткәре, Жәлил Кейекбаев исемендәге премия лауреаты, шағирә, тәржемәсе Гөлнур апай Яҡупова менән осрашыу бик фәһемле, иҫтәлекле булғандыр, тип уйлайым. Сөнки изге һәм саф күңелле, оло тойғоло, нескә лә, көслө лә, сабыр холоҡло ла, иң мөһиме – бар булмышы менән халыҡсан яҙыусының сығышын кескәйҙәр йотлоғоп тыңланы. Кисәлә уның тормош юлы, ижады, тәүге шиғырҙары, хәҙерге көндә башҡарған эштәре хаҡында белергә теләп, бер-бер артлы һорауҙарын яуҙырҙы ғына улар.
Гимназиябыҙҙа «Ярғанат» исемле хикәйәләр, «Ғәжәп хәбәр» тигән шиғырҙар китабы аша балаларға яҡшы таныш булған Башҡортостандың атҡаҙанған мәҙәниәт хеҙмәткәре, Жәлил Кейекбаев исемендәге премия лауреаты, шағирә, тәржемәсе Гөлнур апай Яҡупова менән осрашыу бик фәһемле, иҫтәлекле булғандыр, тип уйлайым. Сөнки изге һәм саф күңелле, оло тойғоло, нескә лә, көслө лә, сабыр холоҡло ла, иң мөһиме – бар булмышы менән халыҡсан яҙыусының сығышын кескәйҙәр йотлоғоп тыңланы. Кисәлә уның тормош юлы, ижады, тәүге шиғырҙары, хәҙерге көндә башҡарған эштәре хаҡында белергә теләп, бер-бер артлы һорауҙарын яуҙырҙы ғына улар.
Гөлнур апайҙың кескәй генә шиғырында ла оло фекер, тәрән психологик кисерештәр ята бит. Ҡунаҡ ашы – ҡара-ҡаршы, тигәндәй, авторҙың тәбиғәт, хайуандар, үләндәр, ҡоштар тураһында яҙылған күркәм шиғырҙарын III «А» синыфы уҡыусылары яттан һөйләп, үҙенә бүләк итте. Ә алтынсыларҙың «Һаҡау түгел», «Әсәйҙәр ниңә ҡартая?» тигән хикәйәләрҙе сәхнәләштереүе бик үҙенсәлекле булды. Һүҙ ыңғайында уҡыусыларҙы әҙерләгәндәре өсөн башланғыс синыф уҡытыусыһы Гөлнара Радик ҡыҙы Хисаева, башҡорт теле һәм әҙәбиәте уҡытыусыһы Сәғирә Әхмәт ҡыҙы Миндийәрова һәм Эльвира Ғәйнулла ҡыҙы Миһрановаларға оло рәхмәтемде белдергем килә.
Экология йылында Гөлнур Яҡупованың «Тәбиғәттә ҡунаҡта» исемле яңы китабы сығыуын шатланып ҡаршы алғайныҡ. Ниһайәт, уны тотоп ҡарау, уҡыу бәхетенә ирештек. Автор беҙҙе шулай ҡыуандырҙы. Уҡыусыларға ла, уҡытыусыларға ла ул бик оҡшаны. Сөнки йөкмәткеһе бай, бик файҙалы мәғлүмәт тупланған.
Гөлнур апайҙың «Йәншишмә» гәзитендә «Ҡыҙыл китап» аманаты» рубрикаһы аҫтында сығып килгән шиғыр, әкиәттәре менән дә беҙҙең уҡыусылар даими танышып барҙы. Өлкән синыф уҡыусыларына, уҡытыусыларға «Ҡатындар», «Күперҙәр», «Йыртҡыс ҡаны» кеүек юрауҙар, һынамыштар, мәҡәлдәр ҡулланып яҙылған тос фекерле, тәрбиәүи, сағыу образлы әҫәрҙәре бик оҡшай. Ошо иҫ киткес китаптарҙы сығарған яҙыусы менән күҙгә-күҙ осрашып, бер өҫтәл артында сәғәттәр буйы әңгәмәләшеп ултырыу үҙе бер бәхет икән!
Гөлнур апай киләһе йылдарҙа тағы ла яңы әҫәрҙәре, китаптары менән беҙҙе ҡыуандырыр, осрашыуҙарға килер, тип көтөп ҡалабыҙ. Һаулыҡ һәм оҙон ғүмер теләйбеҙ уға.
Илзирә ҒАРИФУЛЛИНА, китапханасы.
Өфө ҡалаһы, 102-се башҡорт гимназияһы.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж