+12 °С
Ямғыр
Бөтә яңылыҡтар
Осрашыуҙар
19 Ғинуар 2018, 17:17
«Әҙәби ҡунаҡхана»ла – Марсель Сәлимов
Башҡортостан Республикаһы Милли музейының «Әҙәби ҡунаҡхана»һында бик матур осрашыу булды. Ул «Башҡорт әҙәбиәтендә сатира һәм юмор» тигән темаға бағышланды. Ҡунаҡхананың абруйлы ҡунағы итеп күренекле яҙыусы-сатирик, шағир, тәржемәсе, Рәсәй Федерацияһының һәм Башҡорт АССР-ының атҡаҙанған мәҙәниәт хеҙмәткәре Марсель Сәлимов саҡырылғайны.
Башҡортостан Республикаһы Милли музейының «Әҙәби ҡунаҡхана»һында бик матур осрашыу булды. Ул «Башҡорт әҙәбиәтендә сатира һәм юмор» тигән темаға бағышланды. Ҡунаҡхананың абруйлы ҡунағы итеп күренекле яҙыусы-сатирик, шағир, тәржемәсе, Рәсәй Федерацияһының һәм Башҡорт АССР-ының атҡаҙанған мәҙәниәт хеҙмәткәре Марсель Сәлимов саҡырылғайны.
Был матур сарала шулай уҡ Мифтахетдин Аҡмулла исемендәге башҡорт филологияһы факультеты студенттары, Өфөләге 20-се ҡала башҡорт, Максим Горький исемендәге 3-сө гимназиялары һәм 44-се, 100-сө мәктәптәр уҡыусылары ҡатнашты. Барлығы – 167 кеше.
Марсель Сәлимов менән осрашыуҙар һәр ваҡыт күңелле һәм мауыҡтырғыс үтә. Был юлы ла ул үҙенең ижади тормошонан ҡыҙыҡлы хәлдәрҙе һөйләп, тамашасыларҙы көлдөрҙө, дәртләнеп сатирик һәм юмористик әҫәрҙәрен уҡыны һәм хәҙерге юморҙың хәле, уның йәмғиәттә тотҡан роле хаҡында фекерҙәре менән уртаҡлашты. Уҡыусылар, студенттар үҙҙәрен ҡыҙыҡһындырған һорауҙарын бирҙе.
Башҡортостан Яҙыусылар союзы идараһы рәйесе Зәки Әлибаев Марсель Сәлимовтың ижадына байҡау яһап, башҡорт юморисының Рәсәй халыҡтары дуҫлығын нығытыуға күп көс һалыуын билдәләп үтте. Ә Өфө ҡала советы депутаты Юнир Ҡотлоғужин яҙыусы-сатириктың йәш быуынды патриотик һәм әхлаҡи яҡтан тәрбиәләүҙәге ижадын юғары баһалап, «Бөйөк Октябрь социалистик революцияһына – 100 йыл» тигән иҫтәлекле миҙал тапшырҙы.
– Мине йәштәребеҙҙең урыҫ, башҡорт һәм сит телдәрҙе берҙәй яҡшы белеүе, әүҙемлеге һөйөндөрҙө. Тыуған Башҡортостаныбыҙҙы яраталар. Улар илебеҙҙең лайыҡлы граждандары, ысын патриоттары булып үҫер, тип ышанам, – тине Марсель Шәйнур улы осрашыу аҙағында. Милли музейға ул үҙенең «Билдән өҫтәге юмор» тигән китабын бүләк итте.
Иң аҙаҡтан «Әҙәби ҡунаҡхана»ла ҡатнашыусылар абруйлы ҡунаҡтан автографтар алды, иҫтәлеккә фотоға төштө, музейҙың экспозициялы залын ҡараны.
Осрашыу барыһының да күңелендә матур тәьҫораттар ҡалдырҙы.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж