+12 °С
Ямғыр
Бөтә яңылыҡтар
Осрашыуҙар
31 Май 2019, 11:49
Юмор оҫтаһы ҡунаҡҡа килде
«Көлөгөҙ! Көлөп йәшәгеҙ, әфәнделәр, сөнки бөтә енәйәттәр ҙә ҡырыҫ йөҙ менән башҡарыла», – тигән барон Мюнхгаузен.
Таң менән уяныр-уянмаҫ көндәлек эштәргә тотонабыҙ, бер-беребеҙгә күңелдәрҙе ҡырырлыҡ һүҙҙәр әйтәбеҙ. Ә бит, ғалимдар раҫлауынса, көлөү ғүмерҙе оҙайта. Ләкин беҙҙең арабыҙҙа ҡырыҫ тормошобоҙҙа ла үҙенең хикмәтле хикәйәләре менән кәйефебеҙҙе күтәреүсе, сатира һәм юмор оҫталары, замана Ерәнсәләре бар. Шуларҙың береһе – Марат Мөхәмәт улы Әминев.
Яңыраҡ гимназиябыҙҙа уның менән осрашыу үтте. Кисәне IX синыф уҡыусылары Әлиә Йәнбирҙина менән Ғайса Рәхимов алып барҙы. Яҙыусы үҙенең бала сағы хәтирәләренә сумды, тәү тапҡыр ҡулына ҡәләм алыуын, тәүге ижади уңыштарын иҫенә төшөрҙө. Беҙ фәһемле, көнүҙәк темаларға яҙылған хикәйә, юморескалар буйынса ҡунаҡҡа төрлө ҡыҙыҡлы һәм үҙенсәлекле һорауҙар бирҙек. Марат ағай һәр һорауға асыҡ һәм тулы итеп яуап ҡайтарҙы, мәҙәктәре менән көлдөрөп тә алды, киләсәккә һөнәр һайлау темаһына ла туҡталып китте.
«Фатиха» китабы буйынса эшләнгән Данил Йосоповтың буктрейлеры барыбыҙҙың да күңеленә хуш килде. Ә инде Әлиә Йәнбирҙинаның Мостай Кәримдең «Рус түгелмен, ләкин россиян мин» шиғырын биш телдә башҡарыуы, Айбулат Ғиләжетдиновтың ҡурай моңдары кисәгә тағы ла йәм өҫтәне.
Осрашыу аҙағында яҙыусы иң әүҙем ҡатнашыусыларға үҙенең китаптарын тапшырҙы, ә беҙ Марат Әминевкә гимназиябыҙҙа сыҡҡан «Ҡурай» гәзитен бүләк иттек.
Гөлиә ӘХМӘҘИЕВА, IX «Б» синыфы уҡыусыһы.
Өфө ҡалаһы, Ғәзиз Әлмөхәмәтов исемендәге республика интернат-гимназияһы.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж