-14 °С
Болотло
TelegramТестарVKOK
Бөтә яңылыҡтар
Осрашыуҙар
7 Июнь 2019, 14:05

«Йәншишмә» – беҙҙә ҡунаҡта

Беҙҙең балалар баҡсаһында «Йәншишмә» балалар һәм үҫмерҙәр гәзитенең баш мөхәррире Мирсәйет Ғүмәр улы Юнысов ҡунаҡта булды.

Ул педагогтар менән йылы осрашыу ойоштороп, балалар баҫмаһының тарихын, әлеге көндәге хәл-торошон һөйләне. «Йәншишмә»лә мәктәпкәсә йәштәге кескәйҙәрҙең күңеленә хуш килерлек «Тирмәкәй» махсус бите булыуын да белдерҙе. Шулай уҡ беҙҙең балалар баҡсаһының эшмәкәрлеге менән ҡыҙыҡһынып, унда уҙғарылған саралар гәзит биттәрендә лә йыш сағылдырылыуын маҡтап телгә алды.

Ә беҙ, үҙ сиратыбыҙҙа, «Йәншишмә»гә – күп төҫлө булып нәшер ителгән бай тарихлы гәзитебеҙгә балалар баҡсаһы мөдире Зәбирә Насип ҡыҙы Бикбаева етәкселегендә һәр төркөмөбөҙ менән дәррәү яҙылдыҡ. Тимәк, эстәлеге йөкмәткеле булған яратҡан баҫмабыҙҙың ышаныслы уҡыусыла­ры булғанда, ул үҙ тарихын байытып, барыбыҙҙы ҡыуандырып торор. Ә беҙҙең бала саҡтан алдырып уҡыған гәзитте кескәйҙәребеҙ ҙә күреп, ундағы матур шиғырҙарын, мауыҡтырғыс, фәһемле хикәйәләрен, тылсымлы әкиәттәрен яратып тыңлаясаҡ һәм улар аша ҙур тәрбиә аласаҡ әле.

Әлфиә БАЙМЫРҘИНА, башҡорт теле уҡытыусыһы.
Хәйбулла районы, Аҡъярҙағы 3-сө «Шатлыҡ» балалар баҡсаһы.

Читайте нас в