+12 °С
Ямғыр
Бөтә яңылыҡтар
Ҡотлайбыҙ!
12 Февраль 2021, 20:28
Премиябыҙ - Йәнгүзәл Зәйнуллинаға!
«Йәншишмә»беҙҙең тыуған көнөндә гәзитебеҙҙең Ғәбиҙулла Зарипов исемендәге премияһын тапшырыу йолаһы бар. Быйыл уға кем лайыҡ булды икән, тиһегеҙме?
Гәзитебеҙҙең иң әүҙем йәш хәбәрселәренең береһе Йәнгүзәл Зәйнуллина! Беҙ үткәргән бәйгеләрҙә ҡатнашып та гел генә еңеү яулай ул. Лицейҙа, ҡалала, районда ғына түгел, республикала ойошторолған төрлө олимпиадаларҙа ла һынатмай. Әле генә уҙған башҡорт теле һәм әҙәбиәте буйынса төбәк-ара бәйгелә лә I урын яуланы. Афарин!
Йәнгүзәл Зәйнуллина Баймаҡ ҡалаһының 4-се лицейында IX синыфта «бишле» билдәләренә генә өлгәшә. Тырыш ҡыҙ бейергә лә ярата. Быйыл ғына ваҡыты тығыҙ булғас, ҡаланың Балалар ижады үҙәгенең «Сулпылар» түңәрәгенә йөрөүҙе туҡтатып торған.
– Лицейҙа уҙған бар сараларҙа әүҙем ҡатнаша. Йәнгүзәл – ул шундай уңған, тәрбиәле, итәғәтле, иғтибарлы уҡыусы. Ниндәй генә эшкә тотонмаһын, гел тәүҙә кәңәшләшеп ала. Һәр нәмәгә етди ҡарай. Теле лә иҫ китмәле бай. Һәр кем менән матур итеп һөйләшә. Өйҙәрендә лә ҡусты һәм һеңлеһенә апай була белә, уларға ярҙам итеп кенә тора. Ошондай өлгөлө, әүҙем уҡыусыбыҙ менән ғорурланабыҙ, – тип һөйләне лицей директорының тәрбиәүи эштәр буйынса урынбаҫары Гөлшат Зәйнулла ҡыҙы Иҫәнбаева.
Бына бит уңған, өлгөр, тырыштарға уңыштар килеп кенә тора. Йәнгүзәлдең гәзитебеҙҙә әүҙем генә яҙышып ҡалмай, баҫманы таратыуҙа ла өлөшө ҙур булды. Фото, видеолар төшөрөү, уларҙы монтажлау менән ҡыҙыҡһынған уҡыусы яратҡан гәзите «Йәншишмә»гә өс видео-реклама әҙерләп, тағы ла үҙенең оҫталығын, һәләтен, баҫманың киләсәге өсөн борсолоуын күрһәтте. Маладис, Йәнгүзәл! Һин – күптәргә өлгө! Шундай йәш хәбәрсебеҙ булғанға беҙ ныҡ һөйөнәбеҙ.
Ҡотлайбыҙ һине, Йәнгүзәл! Гел шулай әүҙем бул, бер ҙә һынатма, йәме!
Зөһрә ХӘКИМОВА,
хаттар бүлеге хәбәрсеһе.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж