+9 °С
Болотло
TelegramVKOKTikTok
Бөтә яңылыҡтар

Вика Тарасова

Уҡыған мәктәбең, синыфың: Ауыр­ғазы районы Талбазылағы лицейҙың XI синыфында белем алам. Төрлө өлкәлә яулаған уңыштарың: үткән уҡыу йылында урыҫ әҙәбиәте буйынса Бөтә Рәсәй олимпиадаһының район, төбәк этаптарында еңеүсе булдым. Быйыл да урыҫ теле һәм әҙәбиәте буйынса муниципиаль этапта беренсе урын алдым.

Уҡыған мәктәбең, синыфың: Ауыр­ғазы районы Талбазылағы лицейҙың XI синыфында белем алам.

Төрлө өлкәлә яулаған уңыштарың: үткән уҡыу йылында урыҫ әҙәбиәте буйынса Бөтә Рәсәй олимпиадаһының район, төбәк этаптарында еңеүсе булдым. Быйыл да урыҫ теле һәм әҙәбиәте буйынса муниципиаль этапта беренсе урын алдым.

Уңышҡа өлгәшеү сер­ҙәре: фәнгә ҡарата ҡы­ҙыҡһыныуым һәм тырышлығым булыуы, аҙаҡ шуны иҫбатларға теләү.

Синыфтан тыш эшмәкәрлегең:
мәктәптең ҙур советында торам. Унда мәктәп тормошон ҡыҙыҡлыраҡ һәм күңеллерәк итер өсөн көс һалған иң әүҙем уҡыусылар туплан­ған. Районда, мәктәптә уҙғарылған бөтә төр акцияларҙа ҡатнашам. Мәҫәлән, көҙгө каникулда мәктәп биләмәһенә ағас ултырттыҡ.

Яратҡан фәндәрең: алгебра, урыҫ әҙәбиәте.

Яратҡан яҙыусы-шағирҙарың: Сергей Есенин, Иван Бунин, Антон Чехов, Джоан Роу­линг.

Яратҡан уҡытыусың: бөтә уҡытыу­сыларымды ла яратам.

Мәктәп – һинең өсөн… изгелек мөхите булдырылған йылы, күңелгә ятышлы урын.

Яратҡан шөғөлөң: бейеүгә әүәҫмен.

Кумирың: өлгө алырлыҡ кешеләр күп, тик айырым ғына юҡ.

Интернет селтәренә бүлгән ваҡытың: бик әҙ бүләм, ныҡ кәрәккәндә генә инәм.

WhatsАpp, «Бәйләнештә», «Facebook», инстаграмм – һинең өсөн… мәғлүмәт менән алышыу һәм аралашыу өсөн бик уңайлы ҡушымталар.

Үҙ иткән спорт төрөң: фигуралы шыуыу. Сөнки ул – бик матур спорт төрө. Йәш спортсылар­ға ҡарап, уларҙан өлгө алып, тормошта шундай уҡ юғары уңыштарға ирешке килә.

Ғаиләң тураһында бер нисә һүҙ: атай-әсәйемдәр һәр башланғысымды хуплай. Уңышһыҙлыҡтарым өсөн әрләмәйҙәр, һәр ваҡыт еңеүемә ышаналар. Шуға улар минең менән ғорурланһын өсөн өмөт­тәрен аңларға тырышасаҡмын.

Тормош девизың: хаталанһаң да, нимәнелер эшләп ҡарарға, тәүәккәлләргә кәрәк, аҙаҡ үкенеп ултырырлыҡ булмаһын.

Киләсәккә уй-хыялдарың: иң бе­ренсе, БДИ-ны уңышлы тапшырып, юғары уҡыу йортона уҡырға инергә. Унан тормошта үҙ урыныңды табырға һәм тирә-яҡтағыларға файҙа килтерергә.

Гөлназ ШӘЙХЕТДИНОВА.
Читайте нас в