+9 °С
Болотло
Бөтә яңылыҡтар
Республика Башлығы стипендиаты
28 Декабрь 2018, 16:31
Айсар Йосопов
Һинең статусың: Учалы районы Ҡунаҡбайҙағы балалар сәнғәт мәктәбенең VIII синыф уҡыусыһымын, һеңлем өсөн хәстәрлекле ағай.
Ҡаҙаныштарың: уңыштарым бик күп. Шуларҙың иң-иңдәрен әйткәндә, 2015 йылда Силәбелә үткән башҡорт һәм татар йырҙарын башҡарыусыларҙың балалар һәм үҫмерҙәр халыҡ-ара конкурсында – дипломант, Октябрьскийҙа йәш музыканттарҙың «Башҡорт халыҡ ҡоралдары» Бөтә Рәсәй конкурсында – III дәрәжә диплом лауреаты, 2016 йылда Магнитогорскиҙа башҡорт-татар йырҙарын башҡарыусыларҙың төбәк фестиваль-конкурсында – Гран-при, Өфөлә «Музыкаль мозаика» Бөтә Рәсәй башҡарыу оҫталығы бәйгеһендә – II, былтыр «Тауыш тылсымы» Бөтә Рәсәй фестиваль-конкурсында I урын яуланым.
Уңышлы булыу өсөн… әлбиттә, тырышырға, күп уҡырға, өҫтәмә рәүештә шөғөлләнергә кәрәк.
Балалар сәнғәт мәктәбе уҡытыусылары уның хаҡында: «Уҡыу осоронда Айсар үҙен тырыш, эшһөйәр уҡыусы итеп күрһәтте. Йыр дәрестәренә ҡыҙыҡһыныуы бик көслө, ҡурайҙа оҫта уйнай, музыка яҙмаларын тыңларға ярата. Оҫта итеп һүрәт төшөрә. Мәктәптең, райондың йәмәғәт эштәрендә лә әүҙем ҡатнаша».
Иң яратҡан фәндәрең: математика, информатика, физкультура.
Өйгә эш әҙерләгәндә ниндәй ресурстар ҡулланаһың? Интернет селтәре, китап, белешмә, һүҙлектәрме? Әйтеп үтелгәндәрҙең барыһын да инде.
Интернет селтәренә күпме ваҡыт бүләһең? 2 – 3 сәғәт ваҡыт етә.
Мәктәп тормошонда нимәне үҙгәртергә теләр инең? Тотош белем алыу системаһында үҙгәрештәр индереү кәрәк, тип уйлайым. Бигерәк тә туған телгә ҡарашты үҙгәртергә.
Уҡыуҙан тыш, тағы нимә ҡыҙыҡһындыра? Спорт менән шөғөлләнәм, бигерәк тә баскетбол, волейбол уйнарға, саңғыла йөрөргә, йөҙөргә яратам.
Буш ваҡытыңды нисек үткәрәһең? Волейбол уйнайым, ғаилә менән бассейнға йөҙөргә, Боҙ һарайына конькиҙа шыуырға йөрөйбөҙ, тәбиғәт ҡосағында ял итергә лә өлгөрәбеҙ.
Яратҡан яҙыусы, шағирҙарың: Мостай Кәрим, Рәшит Назар.
Күңелеңә хуш килгән йыр һәм йырсы: яратҡан йырсым юҡ, башҡорт халыҡ йырҙарын яратам.
Йөҙ һум аҡсаң булғансы, 100 дуҫың булһын, тигәнгә нисек ҡарайһың? Был донъяла аҡса мөһим түгел, тип иҫәпләйем, дуҫтарһыҙ йәшәп булмай.
Көтөп алған байрамың: Яңы йыл.
Һинең тормош принциптарың: алдашмаҫҡа, атай-әсәйҙе хөрмәтләргә, тоғро булырға.
Иң төп маҡсатың: яҡшы кеше булыу.
Иң изге хыялың: сер булып ҡалһын.
Читайте нас:
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930-2024 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г.Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж