+12 °С
Ямғыр
Бөтә яңылыҡтар
Әсәм теле - сәсән теле
29 Март 2019, 14:51
«Башҡорт фольклоры биттәре буйлап сәйәхәт»
Асҡарҙағы балалар китапханаһы ойошторған кисә шулай аталды. Унда ҡатнашыусылар халҡыбыҙҙың ауыҙ-тел ижады әҫәрҙәрен уҡырға тейеш ине.Беҙҙең китапхана хеҙмәткәрҙәре яҡташыбыҙ Мөғәллим Мирхәйҙәровтың «Шүлгән» эпосынан өҙөк тәҡдим итте. Уны сәсән-мәғрифәтсе оҙаҡ йылдар әҙ-әҙләп Әбйәлил районы халҡы һөйләүенән яҙып алып, йыйып, үҙ архивында ҡулъяҙма рәүешендә һаҡлаған. Әҫәр 2004 йылда тәүге тапҡыр донъя күрә, ә инде 2018 йыл урыҫ телендә баҫылып сыға.
Ошо эпосҡа арналған сарала Таһир Күсимов исемендәге гимназиянан VII «В», VIII «А» синыфы уҡыусылары, бөтәһе 62 бала ҡатнашты. Шулай уҡ кисәгә сәсәндең ейәндәре лә саҡырылғайны. Һүҙ оҫтаһының ейәнсәре Зилә Зиннур ҡыҙы уҡыусыларға олатаһының тормош һәм ижад юлын, китаптың баҫылып сығарылыу тарихын бәйән итте. Ә уның гитарала уйнап, үҙе яҙған йырҙы башҡарыуын балалар тын да алмай тыңланы.
Сәсәндең бүләре Вилдан да һынатманы, бик матур итеп яттан шиғыр һөйләне. Кисәлә Мөғәллим Шәйхәттәр улының ейәнсәре, музыка мәктәбе уҡытыусыһы Илмира Илсен ҡыҙының уҡыусыһы Гөлнур Ильясова мандолинала уйнап, «Утыҙ ике ҡыҙ» бәйетен йырлап ишеттерҙе. Ә инде «Мираҫ» театр төркөмөнөң әҙерлек бүлегенән Рифат Сәйетғәлин менән Илзидә Шәйәхмәтоваларҙың сығышы кисәнең ысын биҙәге булды.
Мөғәллим Мирхәйҙәровтың ғүмере буйы бөртөкләп йыйған, ауыҙ-тел ижадының ынйыһы булған ошо эпосы үҙ уҡыусыһын табып, киләсәктә уҡымлы әҫәр булыр һәм кисәлә ҡатнашыусы балаларҙың күңелендә туған телгә ихтирам, ҡыҙыҡһыныу тойғоларын арттырыр, тип ышанабыҙ.
Г. НУРҒӘЛИЕВА, балалар китапханаһы хеҙмәткәре.
Әбйәлил районы.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж