-6 °С
Болотло
Бөтә яңылыҡтар
Әсәм теле - сәсән теле
28 Ноябрь 2019, 16:40
Интернетта – башҡортса йәнһүрәт
Дуҫтар, башҡортса йәнһүрәттәр юҡлығына, тәржемәләрҙең әҙлегенә зарлана инек, шулай бит?
Кескәйҙәр телевизорҙан урыҫса ҡарай торғас, телдәре боҙолоп бөттө. Ә хәҙер, Аллаға шөкөр, тип әйтә алабыҙ. Республика Башлығы грантына «Балалар» проекты тормошҡа ашырыла башланы. Проект авторҙарының план-маҡсаттары шәп. www.balalar.org интернет порталына инегеҙ әле: унда кескәйҙәр өсөн тәүге йәнһүрәтте ҡарай алаһығыҙ. Төҫтәргә һәм йыл миҙгелдәренә арналған ул. Геройҙары шул тиклем һөйкөмлө инде. Исемдәре лә бик матур: Айыу балаһы Аяз, Таңсулпан исемле Төлкө, Бүре-Булат, Бесәй-Бибинур һәм уҡытыусы – Өкө-Өммөбикә апай.
Порталда ошондай 5 йәнһүрәт, мобиль телефондар һәм компьютер өсөн 2 ҡушымта, үҫтереүсе карточкалар йыйылмалары, өҫтәл уйыны, балалар тауарҙары интернет-магазины буласаҡ.
«Балалар» проектын кемдәр тормошҡа ашыра, тиһегеҙме? Был турала UX/VI дизайнер, «Башҡорт проекттары» программаһы етәксеһе Илдар Кинйәбулатов 2014 йылда уҡ уйлай башлай. Ә ғаилә ҡороп, балалары тыуыу ошо эшкә ныҡлап тотонорға этәргес бирә.
– Үҙебеҙҙең улыбыҙ тыуғас, уға мотлаҡ рәүештә башҡорт телен өйрәтергә, тигән маҡсат ҡуйҙыҡ. Өйҙә генә түгел, интернетта, бүтән урындарҙа ла башҡорт теленең ҡулланылышын, йәғни мөхитте күрһәтергә кәрәк. Шуға ла интернетта ошо проектты булдырырға уйлап, еренә еткереп эшләп, грантҡа бирҙек һәм, Аллаға шөкөр, еңдек, – ти Илдарҙың кәләше, «Балалар» проекты етәксеһе Рүзилә Кинйәбулатова.
Кескәйҙәргә башҡорт телен өйрәтеүсе тәүге йәнһүрәтте YouTube каналында ла табырға мөмкин. «Бәйләнештә» селтәрендә, Инстаграмда ла «Балалар» проекты бар, рәхим итеп яҙылығыҙ, бәләкәстәргә башҡорт йәнһүрәттәрен күрһәтегеҙ.
Читайте нас:
Редакция һайлауы
Новости партнеров
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж