+12 °С
Ямғыр
Бөтә яңылыҡтар
Сәйәсәткә сәйәхәт
13 Сентябрь 2019, 16:34
Күпселек Хәбиров яҡлы!
Башҡортостандың Үҙәк һайлау комиссияһы рәйесе Илона Макаренко һайлау һөҙөмтәләрен иғлан итте.
Шуныһы ҡыуаныслы: республика халҡы был мөһим сарала ярайһы әүҙемлек күрһәткән. Һайлауҙа ҡатнашыусылар һаны 71,80 процент тәшкил иткән. Райондар буйынса был һан тағы ла юғары – 77,78, бигерәк тә тәтешлеләр һоҡландыра – тауыш биреү хоҡуғына эйә булыусыларҙың 97,01 проценты һайлауҙа ҡатнашҡан. Ә иң түбән күрһәткес – Межгорьела (37,94 процент).
Әйткәндәй, Башҡортостанда 3 миллион 49 мең 571 кешенең һайлау хоҡуғы бар ине. Беренсе тапҡыр (18 йәш тулғас) тауыш биреү хоҡуғына эйә булғандарҙың һаны 38 меңгә етһә, 30 йәшкә тиклемгеләр – 600 меңдән ашыу. Йөҙйәшәрҙәр ҙә бар: 277.
«Мобиль һайлаусы» системаһы ярҙамында республикала 51 меңдән артыҡ кеше тауыш бирһә, шулай уҡ Башҡортостан Башлығын һайлауҙа ҡатнашыр өсөн ошо бәйләнеш аша Мәскәүҙән 195 ғариза яҙылған, уларҙың 148-е гражданлыҡ бурысын үтәгән.
69 территориаль һайлау комиссияһында һәм Өфөләге 410 һайлау участкаһында онлайн режимда видеокүҙәтеү алып барылды.
– Быйыл Башҡортостан Башлығын һайлау асыҡлығы һәм бысраҡ технологияларҙың булмауы менән айырылып торҙо. Ул байрамға әүерелгән тәүге һайлау булып республика тарихына инер, – тип белдерҙе «Граждандар контроле» хәрәкәте етәксеһе Валерий Аббасов.
Ә кем иң күп тауыш йыйҙымы? Радий Хәбиров («Берҙәм Рәсәй» партияһы) – 1 миллион 794 мең 113 (82,02 процент)! Юнир Ҡотлоғужин (КПРФ) – 150 мең 679 (6,89), Иван Сухарев (ЛДПР) – 99 мең 158 (4,53), Зөлфиә Ғайсина («Яблоко») – 33 мең 371 (1,53), Юрий Игнатьев («Ғәҙел Рәсәй») – 26 мең 935 (1,23), Рәфис Ҡадиров («Рәсәй патриоттары») – 24 мең 32 (1,10), Владимир Барабаш («Гражданлыҡ көсө») – 21 мең 175 (0,97), Владимир Кобзев («Пенсионерҙар социаль ғәҙеллек өсөн») – 17 мең 678 (0,81).
Шулай итеп, республика Башлығы итеп Радий Фәрит улы Хәбиров һайланды. Ҡотлайбыҙ!
– Минең өсөн 82 процент самаһы тауыш бирелгән, – тине ул. – Бының өсөн халыҡҡа рәхмәтемде белдергем килә. Ҙур ышаныс күрһәтелгән. Беҙҙе киләсәктә тағы ла ҡатмарлыраҡ, яуаплыраҡ эштәр көтә. Халыҡ беҙгә ышана, ә уны аҡлау өсөн көсөбөҙҙө йәлләмәбеҙ.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж