+12 °С
Ямғыр
Бөтә яңылыҡтар
Шәфҡәт
19 Ғинуар 2020, 22:14
Йәш ирекмәндәр эттәрҙе күстәнәстәре менән һыйланы
Октябрьский ҡалаһындағы 3-сө гимназияла «Асыҡ йөрәк» ирекмәндәр отряды эшләп килә. Бер аҙна элек улар «Бәләкәй дуҫыбыҙға ҙур ярҙам» акцияһын иғлан итеп, ваҡытлыса аҫрау урынында йәшәүсе эттәргә 16 ятыу урыны теккән һәм аҙыҡ туплаған. Бөгөн йәш ирекмәндәр дүрт аяҡлы дуҫтары янында булып, күстәнәстәрен тапшырып ҡайтты.
«Был ваҡытлыса йәшәү пунктында 140-тан ашыу эт йәшәй. Уларҙың һәр береһенең үҙ тарихы бар, күбеһенеке күңелһеҙ тамамланған. Пунктты ойоштороусыларға ҙур рәхмәт инде, улар маҡтауға лайыҡ, барыһы ла изге йөрәкле кешеләр. Беҙгә, ирекмән уҡыусыларға, эттәр менән үҙеңде нисек тоторға өйрәттеләр. Икәүһе янына бөтөнләй яҡын барырға кәңәш ителде. Ә ҡалғандарын һыйпарға, яратырға ярай ине, сөнки уларға иркәләнеү етмәгәне күренеп тора.
Беҙ пункт биләмәһе буйлап, борсаҡ кеүек, таралыштыҡ, һәр беребеҙ барлыҡ эттәрҙе һыйпап ҡалырға тырышты. Берәүһенең кәйефе шәплеге күренеп тора ине, үҙе үк беҙгә йүгереп килде, икенсеһе, киреһенсә, ҡурҡып ҡасты.
Бөгөн бәхетле осраҡтың шаһиты булыуға ла ифрат ҡыуандыҡ. Беҙ бында саҡта ике бәләкәй ҡыҙҙарын эйәрткән йәш ғаилә килеп, үҙҙәренең ике бесәйе һәм эте булыуға ҡарамаҫтан, ҡара көсөктө алып ҡайтып китте. Бәхетле ҡыҙҙарға ҡарап, уларҙың изге күңелле ғаиләлә үҫкәнен, был ваҡытлыса аҫрау пункты юҡҡа эшләмәгәнен аңланыҡ», – тип хәбәр итә интернет селтәрендә ирекмәндәр отряды ағзаһы Лена Косаринова.
Маладистар ҙа инде! Ә һеҙ, дуҫтар, эттәр-бесәйҙәргә ярҙам итәһегеҙме?
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж