+4 °С
Болотло
Бөтә яңылыҡтар
Шиғырҙар
4 Май 2019, 05:56
Калейдоскоп
Ауырғазы районының Ҡорманай ауылынан Зөлфиә ҒӘЗИЕВА шиғырҙары.
Ә һеҙ, малайҙар һәм ҡыҙҙар,
Ҡайһы ерҙә булдығыҙ?
Ниҙәр күреп, ниҙәр тойоп,
Ниндәй хискә тулдығыҙ?
Ә мин бына булдым әле –
Алиһәләр ерендә.
Аллы-гөллө шау сәскәле
Калейдоскоп илендә.
Ул – үҙе ябай уйынсыҡ,
Әйләндерсе тиҙерәк.
Оҙонса ғына көпшәнең
Эсе тулы мең биҙәк.
Калейдоскоп ватылмаһын,
Биҙәктәре бөтмәһен.
Калейдоскоплы бала саҡ
Беҙҙе ташлап китмәһен.
Борсаҡлы күлдәк
Эре борсаҡтар төшкән.
Сеп-сей йәшел түгел улар,
Ҡып-ҡыҙыл булып бешкән.
Нисек түҙәйем һуң инде
Өйҙә ҡайһылай бушҡа.
Күлдәгемде елберләтеп
Осоп сығамын тышҡа.
Минең борсаҡтарҙы күргәс,
Ҡоштар әллә ҡыҙышты.
Әллә яңы күлдәк менән
Ҡотларға тип тырышты.
Сут-сут килеп һайранылар,
Ҡояш наҙлап туйманы.
Күлдәк эҫегә уңманы,
Төҫөн һис тә юйманы.
Атламайым, ҡыуаныстан
Мин бит йүгерәм икән!
Күлдәгемдән борсаҡтары
Ҡойолоп бөтмәҫ микән?!
Күркә
Хатта ҙурҙар ҙа өркә.
Ә мин әле кескенәмен,
Ә ҡаршымда – ҙур күркә.
Ҡыҙылдан кейенмәһәм дә,
Ник ул һаман ҡабара?!
Тулған шарҙай шартлар кеүек,
Гөрһөлдәп тора-бара.
Ә күркә һаман ҡабара,
Хәйлә ҡорҙом бер-ара.
Ҡулъяулығым ҡыҙыл ине,
Ташланым уға табан.
Ғолдор-ғолдор килеп күркә
Боролоп китте ситкә.
Ҡурҡмаған кеүек булһам да,
Тир бәреп сыҡҡан биткә.
Бал ҡорто
Бантиктар балҡып торҙо.
Әллә сәскә тиеп уйлап,
Бал ҡорто килеп ҡунды.
Ой, ой, унан мин бит ҡурҡам,
Берүк саға күрмәһен.
Күлдәктәге сәскәләрҙе
Ысын тиеп белмәһен.
Йөрөп туйғас аҡ таҫмала,
Осто һаман безелдәп.
Йәнә ҡабат килеп ҡунды,
Сәстәремдән бал эҙләп.
Ысынлап та, оҡшанымы,
Рәхмәт әйтте: «Без – без, – ти,
– Матур, аҡыллы ҡыҙҙарға
Беҙ һис тә теймәйбеҙ!» – ти.
Читайте нас в
1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г.Уфа, БИК 048073770, ИНН 0278066967, КПП 027843012, к/с 30101810600000000770.
Телефон
8 (347) 273-36-64.
Электрон почта
Адресы
450079, г. Уфа, ул. 50 летия Октября, 13, 8-й этаж