+25 °С
Болотло
Бөтә яңылыҡтар
Шиғырҙар
20 Сентябрь 2019, 13:45
Риф Мифтахов шиғырҙары
Шағир Риф МИФТАХОВҡа – 80 йәш Башҡортостандың атҡаҙанған мәҙәниәт хеҙмәткәре, Ғәлимйән Ибраһимов исемендәге премия лауреаты, Салауат Юлаев ордены кавалеры Риф МИФТАХОВ – Ишембай районы Кинйәбулат ауылынан.
Ул «Өскөл хаттар», «Тормош ағасы», «Уртаҡлашыр серҙәр», «Ябай мөғжизә», «Батыр егет – ил күрке», «Күҙ йәштәре», «Ғишыҡ тотоу – ут йотоу» һәм башҡа шиғырҙар, поэмалар, повестар, хикәйәләр йыйынтыҡтары авторы.
Яҙыусылар һәм Журналистар союздары ағзаһы мәктәп йылдарында уҡ ижад менән шөғөлләнә башлай. Бала сағы ауыр һуғыш йылдарына тура килгән шағир «Өскөл хаттар» тигән тәүге йыйынтығында хәрби тематиканы тәүге урынға ҡуя. Артабанғы йылдарҙа баҫылып сыҡҡан китаптары уның яңы йүнәлештәге талантын күрһәтә. Риф Фәйзрахман улының тиҫтәләгән шиғырҙарына йырҙар ижад ителгән. Прозала ла уңышлы ижад итә, юмор һәм сатира өлкәһендә лә әүҙем эшләүсе булараҡ таныла, тәржемә менән дә даими шөғөлләнә. Уның үҙенең шиғырҙары ла урыҫ, белорус, төрөк, удмурт, сыуаш телдәренә күсерелгән.
Бүре һәм үгеҙҙәр
Ике үгеҙгә,
Тик ул ҡаршы тора алмағас
Дүрт мөгөҙгә,
Берәүһенең ҡолағына
Былай тигән:
«Иптәшеңде яҡлашмаһаң,
Һиңә теймәм».
Теге үгеҙ ышанған да
Ҡасып киткән.
Яуыз Бүре яңғыҙ дуҫты
Һәләк иткән.
Унан инде тегеһен дә
Ҡыуып тотҡан,
«Һә» тигәнсе ҡурҡаҡ йәнде
Ергә йыҡҡан...
* * *
Әйткәнемде аңларһығыҙ
Һәр берегеҙ:
Йыртҡыс тештән
ҡотола алмаҫ
Яңғыҙ мөгөҙ.
Һандуғас һәм Ишәк
Ишәк ишеткән.
«Һин нисек матур
Һайрайһың?! – тигән. –
Нимә ашайһың,
Нимә эсәһең?
Һөйләп бир әле
Миңә бөтәһен...»
Йырынан туҡтап,
Әйткән Һандуғас:
«Саф һауа, ысыҡ
Эсәм таң тыуғас».
«Хуп! – тигән Ишәк, –
Быға мин дә шәп!..»
Ауыҙын асып,
Иртә таңдарҙа
Ултырған һауа,
Ысыҡ ауларға.
Әммә йотһа ла
Һауа, саф ысыҡ,
Һандуғас моңо
Түгел сығырлыҡ.
Ишәктең моңо –
Бары аҡырыу,
Гүйә, ярҙамға
Һуңғы саҡырыу...
Ишәк асыҡҡан,
Ишәк ғәрләнгән.
Тамам ябығып,
Бер көн йән биргән...
* * *
Ошо Ишәкте
Иҫкә төшөр ҙә
Ҡулдан килмәҫкә
Тотонма бер ҙә.
Ҡысҡырыу бәләһе
Аҙашҡас, урманда бер Ҡуян,
Яр һалып ян-яҡҡа ҡысҡырған:
– Ҡотҡарығыҙ, ҡотҡарығыҙ,
Япа-яңғыҙ ҡалдырмағыҙ!
Бик күптәр ишеткәндәр,
Ниңәлер, килмәгәндәр.
Уның һайын күк Ҡуян
Ярҙам һорап саҡырған...
Ярһыған шул сағында
Күрә – Айыу янында.
– Ниңә, – ти Тайыштабан, –
– Ҡысҡырыуҙарың яман?!
Ҡуян саҡ әйтә алды:
– Аҙашҡас, ҡот алынды!
Айыу шул мәл үкергән –
Ҡуяндан шулай көлгән:
– Ҡурҡыуҙан һин бит хәҙер
Ергә ауырға әҙер!
Ҡуян хәлен ныҡ аңлай:
– Ебәр, – ти, – Айыу ағай!
Айыу уны йәлләгән,
Был юлы, юҡ, теймәгән.
* * *
Аҙашҡанда бар урманға
Яу һалһаң һин ҡысҡырып,
Бәләкәйҙән ҙур бәләгә
Ҡуйыуың бар юлығып.
Көршәк
– Алтын-көмөш төптәрем!
Әйткән Сүмес:
– Унда булдым,
Тик аҫыл зат күрмәнем.
* * *
Ҡалмаҫ өсөн Көршәк хәлендә,
Уйла һүҙең әйткән мәлеңдә.
Сәбәп
– Мин, – ти Балыҡ, –
һөйләр инем
Ғәжәп серҙәр донъяға,
Ауыҙға һыу тулмаһа.
* * *
Шуныһы мәңге ғәжәп –
Табылып тора сәбәп.
Изге эш
Асыҡҡандыр, күрәһең.
Гүйә, бер ни күрмәйҙәр:
Гөрләйҙәр, ем эҙләйҙәр.
Һәр яҡтан машиналар
Ҡайҙалыр ашығалар.
Уйлап торҙо Мозафар:
Ә тапалып ҡуйһалар?
Йүгереп кенә барып,
Көнбағыш алды һатып.
Тапты урын – бер таҡта:
Шунда ул ем тарата.
Ҡоштар баш күтәрмәйҙәр –
Дәртләнеп ем сүпләйҙәр.
Тик киләләр «гөр» ҙә «гөр»:
«Малай, рәхмәт!» – тиҙәрҙер.
Ҡылған изге эше бар –
Бик ҡәнәғәт Мозафар!
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж