+5 °С
Болотло
Бөтә яңылыҡтар
Спорт
24 Август 2018, 13:24
Чудовҡа алмаш үҫә
Саңғы-роллерҙарҙа йөрөгән малай, ҡыҙҙарҙы күргәнегеҙ бармы? Ауылда йәшәүселәр өсөн ят күренеш булһа, ҙур ҡалаларҙа был спорт төрө менән шөғөлләнеүселәрҙе йыш осратырға мөмкин. Ә бына Өфө районының Шамонин ауылында йәшәүсе балалар был йәһәттән бик бәхетле. Мәктәптә өсөнсө йыл инде саңғы секцияһы уңышлы эшләп килә, Айгөл Әүхәт ҡыҙы Хәкимова етәкләй уны.
Был спорт төрө менән бик теләп шөғөлләнә малайҙар, ҡыҙҙар. Хатта балаларын Өфөнән үҙҙәре килтереп, күнекмәләргә йөрөтөргә әҙер ҡайһы бер ата-әсәләр. Шулай булмай, һөҙөмтәләр ҙә шәп бит! Бер ярыштан да призлы урын алмай ҡайтмайҙар.
Ҡышын – саңғыларҙа, йәй көндәре саңғы-роллерҙарҙа күнекмәләр уҙғарыла. Аҙнаһына 5 – 6 көн арымай-талмай ярыштарға әҙерләнә йәш спортсылар. Тренерҙары бик талапсан шул. Быйыл, мәҫәлән, саңғысылар йәйге каникул мәлендә ике аҙна ғына ял итеп өлгөрҙө. Ни эшләйһең инде, улар бит буласаҡ профессионалдар!
– Шунһыҙ һөҙөмтәләр күрһәтеп булмай, тир түкмәй, күнекмәләр уҙғармайынса ғына чемпиондар әҙерләү мөмкин түгел, – ти Айгөл Әүхәт ҡыҙы.
Линар Хәзиәхмәтов, Илнар Хәкимов, Данияр Хәйретдинов, Руслан Кәримов, Арыҫлан Мәүлийәров, Арыҫлан Әхмәҙиев, Линар Рәхмәтов, Фәзилә Сәйетбатталова, Яна Лунегова, Ульяна Бунакова һәм башҡаларға өмөтө ҙур тренерҙың.
– Күнекмәләргә, ярыштарға йөрөү беҙгә бик оҡшай. Киләсәктә билдәле саңғысы йәки биатлонсы булғыбыҙ килә, – ти бер тауыштан йәш спортсылар.
Шамонин саңғысылары өсөн һәйбәт шарттар ҙа булдырылған. Мәктәп бинаһында уларҙың үҙ мөйөштәре – саңғы базалары бар. Роллерҙарҙа шөғөлләнеү өсөн ауыл буйлап һалынған асфальт юл булһа, кросс өсөн урман эсендә махсус трасса эшләнелгән.
Йәш спортсылар бының менән генә сикләнеп ҡалмай. Йәйен-ҡышын улар өсөн бер аҙналыҡ йыйындар ойошторола. Өфөлә урынлашҡан «Биатлон» спорт-һауыҡтырыу комплексында үтә улар. Йәйге биатлон буйынса донъя чемпионкаһы, комплекстың өлкән тренеры Евгения Юрьевна Михайлова Шамонин саңғысыларын үҙ ҡанаты аҫтына ала. Ҡыҙҙар, малайҙар саңғы-роллерҙарҙа ғына күнекмәләр яһап ҡалмай, ысын биатлон мылтыҡтарында сәпкә атырға өйрәнә.
Уҙған ял көндәрендә тап «Биатлон» комплексында 2004 – 2006 йылғылар һәм унан кесерәк йәштәге спортсылар араһында биатлон буйынса Башҡортостан беренселеге уҙғарылды. Тәүге көн – кросс, икенсе көн роллерҙарҙа ярыштылар. Шамониндар һынатманы. Кроста Данияр Хәйретдинов – икенсе, Руслан Кәримов өсөнсө урындарҙы яуланы. Ә роллерҙа Линар Хәзиәхмәтов бронза миҙал алды. Республика кимәлендә бик һәйбәт күрһәткес, шулай бит?
Ныҡышмал да, шәп тә был саңғысылар араһынан киләсәктә Рәсәй, донъя кимәлендәге чемпиондар сығасағына өмөт һәм ышаныс ҙур. Тимәк, Чудов, Бабиковтарға алмаш үҫә, әҙерләнә инде.
Булат ХӘЙРЕТДИНОВ.
Өфө районы.
Читайте нас:
Редакция һайлауы
Новости партнёров
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж