+2 °С
Болотло
Бөтә яңылыҡтар
Төрлөһөнән
24 Август 2018, 13:51
Беште ҡурай еләге
Йәй. Иң йәмле, иң тәмле ваҡыт. Был мәлде яратмаған кеше юҡтыр ул. Шулай булмай ни, сәскәләрҙең балҡып ултырған, емеш-еләктәрҙең тәмләнеп кенә бешкән сағы бит.Июль айы етеү менән яландар, баҡсалар ҡып-ҡыҙыл еләктәргә күмелә. Улар бигерәк күп: турғай еләге, ер еләге, ҡурай еләге, көртмәле, бөрлөгән... Һанап та бөтөрлөк түгел. Хатта шағирҙар ҙа был миҙгелдең матурлығын еләк тәме менән сағыштыра бит.Ә минең иң яратҡан емешем – ҡурай еләге. Уны әберсә лә, ағас еләге лә, айыу еләге лә тип йөрөтәләр.
Ҡурай еләге ҡырҡынды ерҙәрҙә, урмандарҙа, төрлө ҡыуаҡлыҡтар араһында, йылға буйҙарында осрай. Күптәр үҙҙәренең баҡсаларында үҫтерә. Уны йыйыуы шул тиклем күңелле. Бер ҡыуаҡтан биҙрәңә бер устай еләк төшә, тиреүе тиҙ ҙә, рәхәт тә.
Ҡурай еләге йәйҙең һуңғы айҙарында ғына ныҡлап ҡыҙыл төҫкә инә башлай. Уның 70 – 90 процентын һыу тәшкил итә икән. Бигерәк тә С витаминына бай, иммунитетты күтәрә. Һалҡын тейгәндә лә ярҙам итә. Шулай уҡ киптерелгән япраҡтарын сәйгә һалып эсһәң дә шифалы. Ә ҡайнатмаһын яратмаған кеше бармы икән?
Элек өләсәйем ҡағыҙға йәки сепрәккә йәйеп кенә һалып, ҡаҡ ҡоя торғайны. Бәлеш бешергәндә, төрлө десерттар өсөн биҙәүес итеп тә ҡулланабыҙ. Табиптар ҙа организм өсөн ныҡ файҙалы, тип әйтә. Панкреатит, гастрит, шәкәр диабеты кеүек ауырыуҙар менән яфаланғанда ҡулланырға мөмкин. Беҙ еләкте иҙеп, шәкәргә бутап, ҡышҡылыҡҡа туңдырырға һалабыҙ. «Ошолай иткәндә уның витаминдары тағы ла күберәк һаҡлана», – ти әсәйем.
Белдегеҙме, ҡурай еләге тәмле генә түгел, файҙалы ла.
Зәлиә АЛТЫНБАЕВА.
Бөрйән районы, Байназар ауылы.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж