+16 °С
Болотло
Бөтә яңылыҡтар
Төрлөһөнән
28 Сентябрь 2018, 16:46
Гөрләп үтте йәрминкә
Дәртле көйҙәр яңғырай, мәктәп алды шау-гөр килеп тора. Кемдер тәмлекәстәр бешереп алып килгән, ә икенселәре ҡайнатма, компот, емеш-еләк тәҡдим итә. Өҫтәлдәрҙә нимә генә юҡ: тоҙланған бәшмәк, балыҡ, ҡыҙҙырылған көнбағыш, гөл үҫентеләре, татлы бал... Ниндәй баҙар икән был, тиһегеҙме? Әбделмәмбәт мәктәбендә көҙгө йәрминкә үтте.
Бер-ике сәғәткә уҡыусылар үҙҙәрен ысын сауҙагәр итеп тойҙо. Һәр кем үҙ тауарын һатырға, табыш алырға тырышты. Хатта I синыф уҡыусылары ла һынатманы. Күптән түгел генә белем усағына аяҡ баҫыуҙарына ҡарамаҫтан, өлкән апай, ағайҙары менән бер рәттән, йәрминкәлә әүҙем ҡатнаштылар. Кемдәрҙер үҙенә кәрәк әйберҙе ала, һатыулаша, икенселәр һата. Шул арала бер нисә уҡыусы менән яҡындан аралашырға өлгөрҙөм.
Гүзәл Сәйфетдинова, V синыф уҡыусыһы:
– Синыфыбыҙ бик дуҫ, берҙәм. Һәр сараға күмәкләп әҙерләнәбеҙ, шуға ла уңышҡа ирешәбеҙ. Күптән түгел генә «Сәскәләр байрамы»нда ҡатнашып, өсөнсө урын алғайныҡ. Бөгөн йәрминкәлә лә һынатмаҫҡа ине. Әҙерләгән өҫтәлебеҙ тәмлекәстәр, емеш-еләктәр менән тулып, балҡып тора. Мин бөгөн һатып алыусыларға баҡса еләгенең үҙенсәлекле төрөн тәҡдим итәм. Йәмле йәй артта ҡалһа ла, бешеп, ҡыҙарып ултыралар. Улар өләсәйемдең баҡсаһында үҫә.
Был алсаҡ ҡыҙ тиҙ арала еләктәрен һатып та бөттө. Гүзәлдең синыфташы Лиана Мәхмүтова иһә йәрминкәгә баллы сәксәк һәм көртмәле алып килгән.
– Йәй көнө атайым, әсәйем, Алина апайым менән урманға емеш-еләк йыйырға күп йөрөнөк. Үҙебеҙгә ҡайнатмалар әҙерләнек. Бер өлөшөн һаҡлап һалып ҡуйғайныҡ. Бөгөн уны һатыуға тәҡдим итергә булдым. Көртмәле тәмле генә түгел, бик файҙалы ла. Ә сәксәкте әсәйем менән икәүләп бешерҙек, – тип йылмая Лиана.
«Себеште көҙ һанайҙар», – тиҙәр бит. Был миҙгел йәшелсәгә, емеш-еләккә бай. Кешеләр баҡсаларынан уңыш алып ҡыуана. Ә уның менән бүлешеү, өҫтәүенә, табыш алыу икеләтә шатлыҡлы. Быны бик яҡшы аңлайҙар Әбделмәмбәттә. Йәрминкә уҡыусыларҙы аҡса менән эш итергә өйрәтә. Үҙ хеҙмәтең менән тапҡан килем икеләтә ҡәҙерле. Шулай бит, дуҫтар?
Нурзилә УСМАНОВА,
БДУ студенткаһы.
Бөрйән районы.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж