+12 °С
Ямғыр
Бөтә яңылыҡтар
Төрлөһөнән
5 Октябрь 2018, 12:51
Һүрәттәрен күргәҙмәгә ҡуялар
Ғүмәр ауылында тыуып үҫкән Мәүлиҙә Йомағужина бала саҡтан пластилиндан төрлө һындар әүәләргә ярата. Бигерәк тә яңы барлыҡҡа килгән йылмайлыҡтарҙы (смайликтар) күп эшләй. Ата-әсәһе эштә саҡта күрше Хәсибә инәй килеп һеңлеһе менән икәүһенә әкиәттәр һөйләй. Зирәк ҡыҙ тыңлап та бөтә, шунда уҡ әкиәт геройҙарын пластилиндан һынландырырға ла тотона. Аҙаҡ был шөғөл яйлап һүрәт төшөрөүгә күсә. Ҡыҙҙар инәйҙәренә үҙҙәре эшләгән һындар һәм һүрәттәр ярҙамында әкиәтте ролдәргә бүлеп, ҡайтанан һөйләп ишеттерә.
– Хәсибә инәй хәҙер мәрхүмә инде. Минең күңелемдә уның тураһында тик яҡты хәтирәләр генә һаҡлана, – ти Мәүлиҙә. – Ҡайһы саҡта инәйҙе ныҡ йонсотоп та алғанбыҙҙыр инде, ул диванға менеп ятыр ҙа: «Мин – Айыухан», – тип беҙҙең уйнағанды күҙәтер ине.
Балалар баҡсаһына йөрөгән мәлендә Мәүлиҙә үҙе төшөргән һүрәттәре өсөн Маҡтау ҡағыҙына лайыҡ була. Быға ул шул тиклем шатлана. Балаларының һәләтен бар яҡлап асырға һәм үҫтерергә тырышҡан ата-әсәһе икенсе синыфта уҡыған сағында ҡыҙҙарын Баймаҡтағы Ғата Сөләймәнов исемендәге һынлы сәнғәт мәктәбенә алып бара. Дәрестәр аҙнаһына өс тапҡыр үткәрелә. Зөлфирә һеңлеһе бейеүгә яҙыла. Былтыр бар яҡлап тырыш Мәүлиҙә сәнғәт мәктәбен уңышлы тамамлау тураһында танытма ала.
Әле ҡыҙ Ярат мәктәбенең VII синыфында тик «бишле» билдәләренә генә өлгәшә. Йәш рәссамдың төшөргән һүрәттәре белем усағында уҙғарылған сараларҙы биҙәй, йыһазлау буйынса ла ярҙам итә, картиналары төрлө күргәҙмәләргә ҡуйыла, ярыштарҙа һәр саҡ призлы урын ала.
Һынлы сәнғәтте бала саҡтан үҙ иткән ҡыҙ бигерәк тә хайуандарҙы ярата, шуға күрә һүрәттәрендә улар күпселек урынды биләй. «Киләсәктә мал табибы булырға хыялланам. Бесәйҙәрҙе яратам, ҡайһы кешеләрҙең уларға ҡарата ҡаты бәғерле булыуҙарын аңламайым», – ти Мәүлиҙә. Ниндәй һөнәр һайлар киләсәктә, уныһы билдәһеҙ, әммә ҡулына төҫлө ҡәләмдәр алған ҡыҙ үҙенең яратҡан шөғөлөн ташлай алмаясағы көн кеүек асыҡ.
Уңыштар һиңә!
Кәримә УСМАНОВА.
Баймаҡ районы.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж