-5 °С
Ҡар
Бөтә яңылыҡтар
Төрлөһөнән
9 Ноябрь 2018, 15:44
Кескәйҙәр ҙә йөрөп уҡый
Көҙгө каникул тамамланып, тағы ла уҡыуҙар башланды. Йә, нисек үтте ялығыҙ? Күңелле булдымы? Синыфташтарығыҙ, яратҡан уҡытыусығыҙ һағындырғандыр әле, эйе бит?
Көҙгө каникул тамамланып, тағы ла уҡыуҙар башланды. Йә, нисек үтте ялығыҙ? Күңелле булдымы? Синыфташтарығыҙ, яратҡан уҡытыусығыҙ һағындырғандыр әле, эйе бит?
Ана, бөгөн Әбеш мәктәбендә лә тәүге дәрестәр үтте. Беҙгә башланғыс синыфтар янында булырға тура килде. Шуныһы ҡыҙыҡ та, ҡыҙғаныс та: бында беренселәр – өсөнсөләр менән, ә икенселәр дүртенселәр менән бергә уҡый. Балалар һаны аҙ булғанға инде. Ярай әле күршеләге Бәләкәй Арыҫланғол мәктәбенән дә килеп ҡушылғандар.
– Хәҙер беҙҙең балалар автобус менән йөрөп уҡый, – тип ҡаршыланы Айгөл Сәғәҙи ҡыҙы Ҡырғыҙбаева. Ул үҙе лә хәҙер Әбештә уҡыта икән, икенселәр менән дүртенселәргә белем бирә. Ҡыҙғанысҡа ҡаршы, ауылдарында мәктәп ябылған.
Ни хәл итәһең? Йәштәр эшһеҙлектән ғаиләләре менән төрлө тарафтарға күсеп китә. Күп ауылдарҙа ололар ғына ҡалып бара. Буш торған өйҙәр күп. Иң ҡурҡынысы: балалар булмаһа, мәктәп ябыла. Шундай бәлә килде беҙҙең башҡорт ауылдарына.
Әле Әбеш мәктәбенең башланғыс синыфтарында бөтәһе 25 бала уҡый. Ике ярайһы ҙур ғына ауыл өсөн был аҙ инде.
– Минең өсөн ике синыфты бергә уҡытыу бер ниндәй ҙә ҡыйынлыҡ тыуҙырмай, – ти Айгөл Сәғәҙи ҡыҙы. – Өйрәнгәнмен, Бәләкәй Арыҫланғолда ла шулай булды. Балалар тырыш, әүҙем, үҙ-ара татыуҙар. Күпселек «дүртле» һәм «бишле»гә генә өлгәшә. Шулай ҙа иң-иңдәре бар. Мәҫәлән, икенсенән Нурзидә Әбделмәнова, Искәндәр Байгилдин, Ләйлә Илембәтова һәм дүртенсенән Азамат Илембәтов, Ильяс Сурин, Айсыуаҡ Күскилдин, Инсаф Ҡырғыҙбаев, Юлдаш Ибраһимовтар.
Күңелле йәшәйбеҙ, бергәләп төрлө ҡыҙыҡлы саралар ойошторабыҙ. Яңыраҡ «Алтын көҙ», Ололар көнөнә арналған байрамдар үткәрҙек. Йыр уҡытыусыһы Гөлнара Наил ҡыҙы Мөхәмәтйәроваға рәхмәт инде, ныҡ ярҙам итте.
Кескәйҙәр төрлө түңәрәктәргә лә йөрөй икән. Спорт буйынса Тимур Торошов менән Айназ Билалов һынатмаһа, Инсаф Ҡырғыҙбаев иншалар конкурсында беренсе урын алған, Искәндәр Байгилдин «Урал батыр» эпосын яттан һөйләүселәр бәйгеһендә еңеп сыҡҡан.
Беренселәр менән өсөнсөләрҙең уҡытыусыһы – Гөлдәр Ғәбит ҡыҙы Әбделмәнова. I синыфҡа өс малай һәм ике ҡыҙ уҡырға килгән. Алмас Сурин һүрәтте оҫта төшөрә, Гөлфинә Ҡыҙрасова йырларға әүәҫ, Нәргизә Күскилдина шиғыр һөйләргә ярата, Азамат Әминев хайуандар донъяһы менән ҡыҙыҡһынһа, ә Илнур Торошовтың белмәгәне юҡ, зирәк малай.
Өсөнсөләр ҙә бишәү генә. Был синыфтан айырыуса Илгизәр Сурин һоҡландырҙы. Шиғырҙарҙы ныҡ матур итеп яттан һөйләй. Әсәһе менән «Рух яҙыуы» бәйгеһендә лә ҡатнашҡандар. Фәнзил Ҡужагилдин математиканан шәп икән, оҫта бейей ҙә.
Илсур Күскилдин, Иҙрис Юнысов һәм Яна Әбделҡадировалар тураһында ла күп маҡтау һүҙҙәре ишеттек.
«Йәншишмә»гә яҙылырға ла һүҙ бирҙеләр был мәктәптә. Эйе, балалар бәләкәйҙән гәзит-журнал да уҡып үҫһен ул! Бергә булайыҡ, дуҫтар!
Күңелле йәшәйбеҙ, бергәләп төрлө ҡыҙыҡлы саралар ойошторабыҙ. Яңыраҡ «Алтын көҙ», Ололар көнөнә арналған байрамдар үткәрҙек. Йыр уҡытыусыһы Гөлнара Наил ҡыҙы Мөхәмәтйәроваға рәхмәт инде, ныҡ ярҙам итте.
Кескәйҙәр төрлө түңәрәктәргә лә йөрөй икән. Спорт буйынса Тимур Торошов менән Айназ Билалов һынатмаһа, Инсаф Ҡырғыҙбаев иншалар конкурсында беренсе урын алған, Искәндәр Байгилдин «Урал батыр» эпосын яттан һөйләүселәр бәйгеһендә еңеп сыҡҡан.
Беренселәр менән өсөнсөләрҙең уҡытыусыһы – Гөлдәр Ғәбит ҡыҙы Әбделмәнова. I синыфҡа өс малай һәм ике ҡыҙ уҡырға килгән. Алмас Сурин һүрәтте оҫта төшөрә, Гөлфинә Ҡыҙрасова йырларға әүәҫ, Нәргизә Күскилдина шиғыр һөйләргә ярата, Азамат Әминев хайуандар донъяһы менән ҡыҙыҡһынһа, ә Илнур Торошовтың белмәгәне юҡ, зирәк малай.
Өсөнсөләр ҙә бишәү генә. Был синыфтан айырыуса Илгизәр Сурин һоҡландырҙы. Шиғырҙарҙы ныҡ матур итеп яттан һөйләй. Әсәһе менән «Рух яҙыуы» бәйгеһендә лә ҡатнашҡандар. Фәнзил Ҡужагилдин математиканан шәп икән, оҫта бейей ҙә.
Илсур Күскилдин, Иҙрис Юнысов һәм Яна Әбделҡадировалар тураһында ла күп маҡтау һүҙҙәре ишеттек.
«Йәншишмә»гә яҙылырға ла һүҙ бирҙеләр был мәктәптә. Эйе, балалар бәләкәйҙән гәзит-журнал да уҡып үҫһен ул! Бергә булайыҡ, дуҫтар!
М. ӘБЕШЕВ.
Хәйбулла районы.
Читайте нас:
Редакция һайлауы
Новости партнеров
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж