-16 °С
Болотло
VKOKfacebookTikTokInstagram
Бөтә яңылыҡтар
Төрлөһөнән
11 Апрель 2019, 12:31

Быйылға туҡланыу хаҡы күпме?

Өфө ҡала хакимиәте быйылға мәктәп уҡыусылары өсөн туҡланыу хаҡын билдәләне. Уларҙың сайтында баҫылған мәғлүмәттәргә ярашлы, йылы аш менән туҡланыу хаҡы уҡыусының йәшенә бәйле.

Әйтәйек, башланғыс синыф уҡыусыһы өсөн иртәнге аш хаҡы көнөнә — 55, төшкө аш — 65, унан һуң ҡапҡылап алыу 22 һум тәшкил итә. Ә V-XI синыфтарға иртәнге аш — 60, төшкө аш 70 һум тора . Был хаҡтар ашатыу республика ҡаҙнаһына финанслау иҫәбенә тормошҡа ашырылған уҡыусыларға ҡағылмай.

Интернат-мәктәптәрҙә уҡыусылар өсөн дүрт тапҡыр бушлай туҡланыу хаҡы Өфө ҡаҙнаһынан бер балаға көнөнә 240 һум тәшкил итә.

Бынан тыш, ишле ғаиләләрҙәге балалар, һаулыҡтары буйынса мөмкинлектәре сикләнгән, етем һәм ата-әсә ҡарауынан мәхрүм ҡалған балалар, аҙ тәьмин ителгән ғаиләләрҙә тәрбиәләнгән уҡыусылар өсөн льготалар ҡаралған.