+12 °С
Ямғыр
Бөтә яңылыҡтар
Төрлөһөнән
20 Декабрь 2019, 13:51
Филиалда секциялар кәрәк
– Аҙнаһына биш көн уҡыу оҡшаймы? – тип һорайбыҙ Ирхандан.– Юҡ, көн һайын алты сәғәт, арыттыра.
– Ике ялда төрлө секцияларға йөрөргә мөмкинлек була бит...
– Шулай ҙа ул, тик беҙ 9 саҡрымдағы Нуғаҙаҡ мәктәбенә йөрөп уҡыйбыҙ. Автобус иртән алып бара ла, дәрестәр бөткәс, ҡайтарып ҡуя. Беҙҙең ауылдыҡылар түңәрәктәргә бик йөрөй алмай.
– Ә улар эшләйме һуң?
– Эйе: дзюдо, волейбол, баскетбол...
– Һинең йөрөргә теләгең бармы?
– Әлбиттә. Элек атайым машина менән йөрөтә ине лә, хәҙер, сирләгәс, ундай мөмкинлеге юҡ. Бер мин генә түгел, башҡа балалар ҙа шундай хәлдә: бөтәһе лә машиналы түгел бит...
Бына шундай һөйләшеү булды беҙҙең Ирхан Әсәҙуллин менән. VII синыфта уҡыған үҫмер Үтәймуллалағы бик күп ауылдаштары менән Нуғаҙаҡ мәктәбенә йөрөп белем ала. Ә бит Үтәймулла – ҙур, боронғо башҡорт ауылы. Нисек тә мәктәпте һаҡлап алып ҡалырға мөмкин булыр ине. «ГАЗель» өс рейс яһағас, 40-ҡа яҡын бала йөрөй, тимәк. Башланғыс синыфтарҙа уҡығандарын да иҫәпкә алғанда, мәктәпте яптырмаҫҡа тырышырға кәрәк ине. Быны юлларға хәҙер ҙә һуң түгелдер. Республика етәкселеге лә ундай эштәргә ыңғай ҡарай бит. Үтәймулла ауылы ата-әсәләренең, урындағы ҡоролтай етәкселәренең, ағинәйҙәр һәм башҡа ойошмаларҙың мөһим мәсьәләне күтәреп сығыуы шарт.
Ә әлегә шундай мөмкинлек хаҡында ла уйларға кәрәктер. Үтәймуллалағы мәктәптең икенсе ҡаты буш тора. Башланғыс синыфтар беренсе ҡатта белем ала. Шул өҫкө ҡатта был ауыл уҡыусылары өсөн Нуғаҙаҡта эшләгән спорт секцияларының, башҡа түңәрәктәрҙең дә филиалдарын ойошторорға мөмкин. Ауыл балалары дәрестән һуң Нуғаҙаҡҡа йөрөгәнгә ҡарағанға түңәрәк етәкселәренең аҙнаһына ике-өс көн бында килеп секция алып барыуҙары яҡшыраҡ бит. Спорт инвентарҙарын да хәстәрләргә мөмкин. Бағымсыларға мөрәжәғәт итергә була. Балалар хаҡына ярҙам итмәҫтәр инеме ни? Ауылдың ағинәйҙәре ҡыҙ балаларҙы бәйләү, сигеү, биҙәүестәр эшләү серҙәренә өйрәтә ала.
Ирхан Әсәҙуллин – бик тырыш үҫмер. Яҡшы уҡый. Бигерәк тә биология менән йәмғиәтте өйрәнеү дәрестәрен ярата. Әсәһе Розалия ауыл китапханаһында эшләй. Атаһы Ғилман ауырыуы арҡаһында өйҙә генә ултыра. Йорттағы ир-ат эшен Ирхан башҡара. Һыу ҙа ташый, малдарҙы ла ҡарай. Киләсәктә табип булырға уйлай.
– Бөтә туғандар шуны теләй. Беҙҙең нәҫелдән дә табип булһын ине, тиҙәр. Үҙемә лә оҡшай был һөнәр. Бөтә кешеләрҙе – атайымды, әсәйемде, барлыҡ туғандарҙы, ауылдаштарҙы дауалар инем, – ти ул.
Хыялын тормошҡа ашырыр өсөн көслө булып үҫергә тырыша. Ата-әсәһе 13 йәшенә бүләк иткән турникта көн дә тартылып, мускулдарын үҫтерә. Ҙур флягалар менән өйгә һыу ташый. Ишек алдын ҡарҙан таҙарта. Һарыҡтарға бесән һала, һыу эсерә, аҫтарын таҙарта. Сәлим, Рәмзил, Нуриман, Вилдан һәм башҡа иптәштәре менән хоккей уйнайҙар. Буш ваҡыттарында атаһы гармунда, ҡурайҙа уйнарға өйрәтә.
– Атайым күберәк үҙе компьютерҙа шахмат уйнарға ярата. Ә миңә был уйын бик оҡшап етмәй. Волейбол, баскетбол, дзюдо кеүек күп хәрәкәтләнә торған спорт төрҙәре менән шөғөлләнер инем...
Нуғаҙаҡ мәктәбе, ауыл хакимиәте етәкселеге лә Үтәймулла ауылы уҡыусыларының буш ваҡытын файҙалы үткәреү хаҡында ниндәйҙер саралар күрер, тип ышанғы килә.
Ауырғазы районы, Үтәймулла ауылы.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж