+9 °С
Болотло
Бөтә яңылыҡтар
Төрлөһөнән
4 Сентябрь 2020, 12:05
Мин берҙәм мәктәп формаһы яҡлы!
Беҙ белем усағында берҙәм мәктәп формаһында йөрөйбөҙ. Тик бының менән риза булмағандар ҙа күп. Мәҫәлән, «Инстаграм» селтәрендә үткәргән һорауламала ҡатнашыусыларҙың 70 проценты «Берҙәм форма булмаһын» тигән вариантты яҡыныраҡ күргән. «Ни өсөн улай уйлайһың?» тигән һорауға һәр кем үҙенсәлекле һәм шул уҡ ваҡытта ҡыҙыҡлы яуаптар биргән. Бер нисәүһен һеҙгә лә тәҡдим итәм.
– Бөтә уҡыусыларҙың да мәктәп формалары бер иш булмаһын, миңә был оҡшамай. Сөнки тиҙ генә ялҡыта ла ҡуя. Әгәр ҙә кейемең бысрап китһә, уны йыуып, икенсе көнөнә киптереп өлгөрөп булмай.
Шәүрә МЫРҘАҒОЛОВА:
– Әгәр ҙә уҡыусы оҡшаған кейемде һайлай икән, ул үҙен иркенерәк тоясаҡ. Был бигерәк тә ҡыҙҙарға ҡағыла. Бер иш форма бәләкәйҙәр өсөн булһын, V – VIII синыфтарға, өлкәндәргә һайлау мөмкинлеге бирһендәр ине.
Совет заманында ниндәй кейем кейгәндәрен белер өсөн уҡытыусыларға ла мөрәжәғәт иттем.
Нәсимә Сабир ҡыҙы САЛАУАТОВА, Байназар мәктәбендә тарих уҡытыусыһы:
– Башланғыс синыфта әлеге уҡыусылар кейгән кеүек форма булды, артабан VII – IX синыфтарҙа яйлап итәк, блузка кейә башланыҡ. Ҡайһы саҡта кейемдең төҫтәре төрлөсә булып китә ине. Мин үҙем туғыҙынсы синыфта ла форма кейергә тырыштым.
Бөгөн берҙәм мәктәп формаһының кире тергеҙелеүе ҡыуандыра. Асыҡ дәрес, линейкалар, байрамдар өсөн бик уңайлы.
– Мин уҡыусы булған осорҙа, йәғни 1990 – 1994 йылдарҙа, һоро форма, аҡ алъяпҡыс ине. Аҙаҡҡа ҡарай аҡ блузка һәм ҡара итәк кейҙек. Ә X – XI синыфтарҙа ҡара пинжәк өҫтәлде. Даими рәүештә улай кейенмәнек, төрлө төҫтәге кейем кейеү ғәҙәти күренеш булды.
Әлеге беҙҙең балалар кейгән кейем миңә оҡшай. Ул бөхтә йөрөргә өйрәтә, тиер инем. Сөнки һәр ҡыҙ алъяпҡысын бысратмаҫҡа тырыша. Малайҙар эшлекле кейемдә йөрөргә өйрәнә.
Күптәрҙең ҡаршы булыуына ҡарамаҫтан, мин дә мәктәптәрҙә берҙәм форма кейеүҙең тик ыңғай яҡтарын ғына күрәм. Беренсенән, һәр кем үҙен синыфташтары янында тигеҙ тоясаҡ, икенсенән, бындай кейем күп сығым талап итмәй. Дуҫтар, ә һеҙ нисек уйлайһығыҙ: берҙәм мәктәп формаһы кәрәкме ул?
Заһиҙә МОРАТШИНА.
Бөрйән районы, Байназар мәктәбе.
Читайте нас:
Редакция һайлауы
Новости партнеров
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж