+1 °С
Ҡар
Бөтә яңылыҡтар
Төрлөһөнән
4 Сентябрь 2020, 11:39
Пластик спектакль әҙерләнә
Мәжит Ғафури исемендәге Башҡорт дәүләт академия драма театры 101-се ижад миҙгеленә тамашасылар өсөн уникаль проект – пластик спектакль әҙерләй башланы. Был тамашаға нигеҙ итеп Николай Крашенинниковтың «Амеля» романы алынған.
Журналистар менән осрашҡанда театрҙың баш режиссёры Айрат Әбүшахманов ни өсөн пластик спектакль ҡуйырға ниәт итеүҙәрен һөйләне: «Театр артистары менән ошондай проектты булдырыу идеяһы күптән яралды, сөнки беҙҙең ижади потенциалыбыҙ бик ҙур, сәхнәгә хореографик әҫәрҙәрҙе лайыҡлы кимәлдә сығарырлыҡ талантлы, көслө, бар йәһәттән һығылмалы йәштәребеҙ бар. Мин Александр Пушкин театрында Сыңғыҙ Айытматовтың «Әсә яланы» исемле спектаклен ҡарағас, үҙебеҙҙә лә пластик спектакль ҡуйыу идеяһы менән йәшәй башланым. Һуңынан Евгений Вахтангов исемендәге театрҙың «Анна Каренина» хореодрамаһы ла быға ҡуҙ өҫтәне. Был проекттың үҙенсәлеге шунда – спектаклдең авторы һәм режиссёры ла булып хореограф тора. Беҙҙең осраҡта был эштәрҙе Алина Мостаева үҙ өҫтөнә аласаҡ».
Алина Мостаева әйтеүенсә, ул әҫәрҙе синтетик жанр формаһындағы пластик спектакль итеп күрә, киң танылған композитор һәм музыкант Олег Гудачев менән бергә эшләйәсәктәр, ә ҡуйылышты иһә «пластик эссе» тип билдәләй: «Бында хәрәкәттәр бейеүҙәр башҡарыуға ғына ҡайтып ҡалмаясаҡ, ә драматик кисерештәрҙе, хистәрҙе һәм тойомлауҙарҙы ҡараш, ҡул һәм тән хәрәкәттәре аша сағылдырыу ҙа бар. «Анна Каренина» – барыһына таныш классик әҫәр, унда текст бөтөнләй юҡ, «Амеля»ны иһә беҙҙең замандаштарыбыҙға яҡшы таныш, тип әйтеп булмай, шуға күрә театрҙың пластик спектаклендә текст буласаҡ».
Башҡортостан һәм башҡорт халҡы тураһында яратып яҙған урыҫ яҙыусыһы Николай Крашенинниковтың «Амеля» романы етем башҡорт ҡыҙының яҙмышы хаҡында. Тол ҡалған профессор ҡатында хеҙмәт иткән олатаһы үлеүгә ҡарамаҫтан, ҡыҙыҡай дворяндар йортонда тәрбиәләнә. Әммә Амеляны һәр ваҡыт тыуған еренең символына әйләнгән, нәҫел тамырҙарын хәтерләтеүсе маяҡ дәрәжәһенә әүерелгән далаларҙың саҡырыуы борсой. Ҡыҙҙың башҡорттар тормошо менән ҡыҙыҡһыныуы, Тыуған ил яҙмышы хаҡында борсолоуҙары генетик хәтер, ҡан тартыуы менән аңлатыла…
Азалиә БАЛҒАЗИНА, әҙәби драма бүлеге етәксеһе.
Өфө ҡалаһы.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж