+12 °С
Ямғыр
Бөтә яңылыҡтар
Төрлөһөнән
18 Сентябрь 2020, 12:25
Салауат Юлаев исемендәге дәүләт премияһына тәҡдим ителде
Ҡәҙерле уҡыусылар, композитор Урал Иҙелбаев күптәрегеҙгә таныш, эйе бит?! Уның «Аҡбуҙат», «Өфөмә йыр», «Изгелек, матурлыҡ, мөхәббәт», «Башҡортостан – изге ерем», «Ҡырлы ҡурай» тигән йырҙары мәктәп сараларында йыш яңғырай.
Сибай ҡалаһында тыуып, баш ҡалабыҙҙа үҫкән буласаҡ композитор Өфө махсус музыка мәктәбендә, сәнғәт училищеһында, аҙаҡтан институтында музыка серҙәренә өйрәнә. Вузда уҡығанда арҙаҡлы композитор Заһир Исмәғилев төркөмөндә белемен үҫтерә. Хәҙер инде ул үҙе лә йыр-моң һөйөүселәргә киң билдәле, Башҡортостандың атҡаҙанған сәнғәт эшмәкәре, Шәйехзада Бабич исемендәге республика йәштәр премияһы лауреаты тигән юғары исемдәргә лайыҡ булған шәхес. Ул йөҙләгән лирик, патриотик һәм балалар өсөн күп йырҙар, йөҙ илленән артыҡ спектаклгә, утыҙлап художестволы һәм документаль фильмдарға көйҙәр яҙған. Әле һеҙгә әсәһе, шағирә Гөлфиә Юнысова менән бергәләп ижад иткән «Туған телем» тигән йырын тәҡдим итәбеҙ. Композитор республикабыҙҙың юғары наградаһы – Салауат Юлаев исемендәге дәүләт премияһына тәҡдим ителде. Ул быға лайыҡ. Урал Иҙелбаевҡа уңыштар теләйек!
Зөһрә ХӘКИМОВА, Башҡортостан Республикаһының Журналистар союзы ағзаһы.
Туған телем
Ер шарында илдәр бик күп,
Араһында – һин бер бөртөк.
Башҡортостан – ғәзиз илем.
Ҡотло ла һин, һутлы ла һин,
Көс-дәрт бирер утлы ла һин,
Илкәйем дә – туған телем.
Ҡушымта:
Яҡтырт юлды, күңелдәрҙе,
Арттыр аҡыл-белемдәрҙе,
Мәңге йәшә, байы һәм үҫ,
Башҡорт теле – халҡым теле,
Дәүләт теле – туған телем,
Быуаттарҙан быуатҡа күс.
Наҙлылығың таң ҡалдыра,
Нескәлегең һоҡландыра,
Хәтерләтә баҡса гөлөн.
Кәрәкһә, өтөп алаһың,
Хәнйәрҙәй телеп һалаһың,
Үткерһең дә туған телем!
Ҡушымта.
Туған телем, һиңә хаҡлыҡ,
Һары һағыш, ап-аҡ шатлыҡ –
Бөтәһе лә һыя ала.
Балдай татлы һәр бер һүҙең,
Һинән моңло, һинән затлы
Һис нәмә юҡ был донъяла.
Ҡушымта.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж