-5 °С
Болотло
Бөтә яңылыҡтар
"Тарих яҙабыҙ"
23 Февраль 2018, 19:10
Янбраҡ тауы
Тыуған ауылымда үҙенсә тарих һаҡлаған матур ғына исемле урындар бихисап: Сигүҙ шишмәһе, Тәкәл тауы, Ҡайрағалған йылғаһы, Ҡәнифә юлы… Шуларҙың береһе Янбраҡ тауы тураһында һөйләп үткем килә һеҙгә.
Тыуған ауылымда үҙенсә тарих һаҡлаған матур ғына исемле урындар бихисап: Сигүҙ шишмәһе, Тәкәл тауы, Ҡайрағалған йылғаһы, Ҡәнифә юлы… Шуларҙың береһе Янбраҡ тауы тураһында һөйләп үткем килә һеҙгә.
Был тауҙың ни тиклем һоҡланғыс икәнен күрһәгеҙ, белһәгеҙ ине! Матур ерҙә урынлашҡан ул. Тауы текә, ташлы-ҡаялы, аҫҡа ҡарап торһаң, баш әйләнер. Йәй көндәрендә бигерәк тә хозур, йәшеллеккә күмелгән бер әкиәт донъяһы. Тауының башында, нескә билле һылыу ҡыҙҙы хәтерләткәндәй, һомғол ҡайындар үҫә. Ошо гүзәлеккә йәм өҫтәп, ҡоштары йыр һуҙа. Тауҙың эргәһенән генә мул, таҙа һыулы, төрлө балыҡҡа бай Һаҡмар йылғаһы аға. Үҙе бер ожмах! Ә юғарынан ауыл ус төбөндәгеләй булып күренә. Ошо ғорур тау үҙенең ҡаяларында ниндәй серҙәр һаҡлай икән?..
Баҡһаң, бик ҡыҙғаныс тарих ята икән уның исемендә. Шуны белергә теләп, ауылыбыҙҙа ғына түгел, районыбыҙҙа билдәле, әллә күпме республика сәсәнлек бәйгеләре лауреаты, сәсәниә Фәниә инәй Арыҫлановаға барҙым. Ул иһә, үҙ сиратында, өлкәндәрҙән ишеткән тарихты һамаҡлап әйтеп бирҙе. Ә мин бөтәһен дә күҙ алдына килтереп, тыңланым да тыңланым…
Бына Янбраҡ тауы,
Тарихтарға ингән ул!
Ҡаҙаҡтарҙан ҡасып барып
Осҡан ҡыҙҙы күргән ул!
Борон-борон борондан
Барымтаға йүнәлгән
Ҡаҙаҡтар йөрөр булған.
Ул саҡтарҙа тауҙар бейек,
Ҡара урман булған, ти.
Һаҡмар сыҡҡас, Йәнтеш ауылы
Бик әҙ өйҙән торған, ти.
Ул-был була ҡалһа, тип
Халыҡ йәшәгән бик һаҡ.
Улар абай булмағанда
Ҡаҙаҡтар үткән бер саҡ!
Ҡаҙаҡтарҙың батыры,
Башҡорт ҡыҙына күҙ һалған,
Кире юлда ҡыҙҙар урлау,
Уның бар уйын алған.
Барымтанан ҡайтҡандарын
Халыҡ уяу күҙәткән.
Һиҙгәс тә ошо тауға
Бөтәһе ҡасып бөткән.
Ҡаҙаҡтар быны һиҙеп,
Эҙләгән тауҙы һөҙөп.
Селеклектә ике ҡыҙға
Юлыҡҡан улар килеп.
Ҡыҙҙар ҡасып барғанда
Береһе ҡаянан осҡан.
Аҫта ажарланып ятҡан
Һаҡмар үҙенә ҡосҡан…
Өҫтән: «Жаны бараҡ?»
(Йәне бармы?) тип ҡысҡырғас, бер ҡаҙаҡ.
Киткән шаңдау: «Я-ны-ба-ра-раҡ!
Я-ны-ба-ра-ра-аҡ!»
Шул ваҡыттан алып был тау
«Янбраҡ» булып киткән, ти!
Бына ошондай тарих һаҡлай икән был тау үҙендә. Ер-һыу атамаларын беҙ яҡшы белергә, ныҡлы өйрәнергә һәм дә киләсәк быуынға еткерергә тейешбеҙ. Сөнки уларҙа тарих үҙе йәшәй.
Наҙгөл МӨХӘМӘТЙӘРОВА, V синыф уҡыусыһы.
Хәйбулла районы, Йәнтеш ауылы.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж