-6 °С
Болотло
Бөтә яңылыҡтар
Тирмәкәй
26 Ғинуар 2018, 13:50
Тамыры ныҡ ағас ҡоромай
Тарихын белмәгән халыҡтың киләсәге юҡ, тиҙәр. Һуңғы йылдарҙа шәжәрәне өйрәнеүгә, ырыу байрамдарын ойоштороуға ҙур иғтибар бүленә. Башҡортостан етәкселеге был мәсьәләне дәүләт кимәленә күтәреп, төрлө саралар ойоштора.
Тарихын белмәгән халыҡтың киләсәге юҡ, тиҙәр. Һуңғы йылдарҙа шәжәрәне өйрәнеүгә, ырыу байрамдарын ойоштороуға ҙур иғтибар бүленә. Башҡортостан етәкселеге был мәсьәләне дәүләт кимәленә күтәреп, төрлө саралар ойоштора.
Балаларҙы халыҡ байрамдары, йолалары менән таныштырыу, уларҙа башҡорт теленә ҡыҙыҡһыныу, һөйөү тәрбиәләү маҡсаты менән баш ҡалабыҙҙың 205-се балалар баҡсаһында Шәжәрә байрамы үтте.
Балалар баҡсаһы мөдире Алһыу Буранбаева унда ҡатнашыусыларҙы тәбрикләп, был сараның байрам ғына түгел, ә тарихи тамырҙарыбыҙҙы иҫкә алыу, ололау, хөрмәтләү икәнен билдәләне. Асаевтар, Нәҙершиндәр, Утарбаевтар һәм Әминевтәр үҙҙәренең шәжәрәһе менән таныштырҙы, яратҡан шөғөлдәре, аш-һыуҙары, ғаилә йолалары хаҡында белдерҙе.
Резеда һәм Илнур Әминевтәр – табын ырыуы вәкилдәре. Ғаилә башлығы туғыҙ быуынға тиклем төҙөлгән шәжәрә, ата-бабаларының шөғөлдәре менән таныштырҙы. Хужабикә иһә башҡорт милли ризыҡтары тураһында ғына түгел, байрамда ҡатнашыусыларға аш-һыу серҙәре, уларҙы әҙерләү тәртибе хаҡында ла һөйләне.
Айгөл менән Илгиз Асаевтар сығыштары менән Благовар тарафтарынан икән. Балалар баҡсаһына йөрөүсе ҡыҙҙары Аринаның моңло йырлауы бөтәһенә оҡшаны.
Регина һәм Анатолий Утарбаевтар музыкаль ғаилә булараҡ танылды. Ғаилә ағзаларының һәр береһе таланты менән айырылып торҙо. Матур итеп йырлау, бейеү менән бер рәттән, атай кеше алтын ҡуллы оҫта булыуын, хужабикә аш-һыу әҙерләүгә маһирлығын күрһәтте.
Баҡса мөдире Алһыу Буранбаева был ғаиләләрҙең өлгөлө булыуын, балалар баҡсаһы тормошонда әүҙем ҡатнашыуҙарын билдәләне, уларға Маҡтау ҡағыҙҙары менән бергә иҫтәлекле бүләктәр тапшырҙы.
– Хәҙер күп урындарҙа Шәжәрә байрамдары ойошторола, бик күптәребеҙ үҙенең ырыу, ара, нәҫел-нәсәбен, ата-бабаларының кем булыуын асыҡлап, ошоғаса белмәгән туған-тыумасаларын таба. Ләкин байрамдар була ла үтә, ә ете быуын ҡәрҙәшеңде таныу, улар менән дуҫ, татыу булыу мөһим. Беҙҙең бөгөн үткәрелгән сарабыҙ ошоға дәлил, – тине ул тамаша аҙағында.
Халҡыбыҙҙа «Тамыры ныҡ ағас ҡоромай» тигән бик аҡыллы әйтем бар. Ысынлап та, тамыры ныҡ булһа, ул бер ниндәй ел-дауылға бирешмәй. Һәр бала бәләкәйҙән үҙенең тамырҙарын белеп үҫһә, ул да киләсәктә бер ниндәй тормош һынауҙары алдында юғалып ҡалмаҫ. Быуындар сылбыры өҙөлмәһен! Ул минән, һинән, беҙҙән тора. Тамырҙарығыҙҙы онотмағыҙ, үҙегеҙҙең нәҫелегеҙгә генә хас булған күркәм ғәҙәттәрҙе һаҡлағыҙ. Туғандарығыҙға, халҡығыҙға кәрәкле кешеләр булып үҫегеҙ, йәшәгеҙ, йәме.
Әминә РАҠАЕВА,
Башҡортостандың атҡаҙанған уҡытыусыһы. Өфө ҡалаһы.
Читайте нас:
Редакция һайлауы
Новости партнеров
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж