+12 °С
Ямғыр
Бөтә яңылыҡтар
Тирмәкәй
27 Сентябрь 2019, 12:31
Үҙҙәре шаян, үҙҙәре тырыштар
Уҡыу сирегенең тәүге айы ла үтеп бара. Инде ҡыҙҙар, малайҙар мәктәп тормошона өйрәнеп, тырышып-тырмашып белем үрҙәренә ынтыла, төрлө түңәрәктәрҙә ихлас шөғөлләнә.
– Уҡыу системаһы һәр ваҡыт үҙгәреш кисерә. Бының ыңғай, кире яҡтары ла бар. Ни өсөн тигәндә, балаларҙың барыһы ла бер төрлө түгел. Ә талаптар тигеҙ ҡуйыла. Шуға күрә мин эш тәжрибәмдән сығып, уҡыусыларҙың тәбиғәттән бирелгән һәләттәренә яраҡлаштырып, яңы алымдарҙы ҡулланырға тырышам. Бигерәк тә София Лысенкова уҡытҡан программа бик оҡшай. Уның асылы нимәлә һуң? Беҙҙең дәреслектәрҙә яңы, ҡатмарлыраҡ темалар күбеһенсә декабрҙән һуң бирелә. София Николаевна уларҙы эҙмә-эҙлекле итеп сентябрь башынан уҡ яйлап бирә башларға кәрәклеген белдерә, – ти үҙ һөнәрен ысын күңелдән яратҡан, 41 йыл эш тәжрибәһе булған Башҡортостандың атҡаҙанған уҡытыусыһы исеменә лайыҡ педагог.
Беҙ танышҡан III «В» синыфында төрлө милләт балалары уҡыуын да белдек. Үҙҙәре шул тиклем шаян, шуҡ булһалар ҙа, бик тырышып уҡыйҙар. 26 бала араһынан һигеҙе тик «бишле» билдәләренә генә өлгәшә. Уҡыу буйынса Тимур Бессонов, Артём Иванов, Әмир Хәсәнов, Роман Фәтҡуллин, Данил Зәйнетдинов, Карина Шәрипова, Сабина Ғибәҙуллиналар барыһына ла өлгө. Синыфтарында старосталары – Милена Зарипова. Уны бик тырыш, ярҙамсыл ҡыҙ тип маҡтайҙар.
Түңәрәк-секцияларҙа ла әүҙем шөғөлләнә кескәйҙәр. Мәҫәлән, Карина Шәрипова, Сабина Ғибәҙуллина белем усаҡтарындағы «Ынйы» бейеү түңәрәгенә йөрөһә, Таһир Нафиҡов, Тимур Бессонов, Дамир Кореневский шахмат секцияһына яҙылған. Данил Зәйнетдинов, Дамир Кореневский, Әмир Хәсәнов «Восход» клубында футбол уйнарға өйрәнә. Ильяс Сибәғәтуллин робот техникаһын үҙ итә. Аделина Нафиҡова «Тодес» клубында бейей.
Йыл һайын сентябрь, октябрь айҙарында синыф менән Ҡырмыҫҡалы районындағы Зәңгәр күлгә сәйәхәткә сығыу матур ғәҙәттәренә әйләнгән. Аш-һыу ризыҡтары менән һыйланып, самауыр сәйе эсеп, төрлө уйындар уйнап, күңелле ял итеп ҡайталар.
Тыуған көндәрҙе билдәләп, бүләктәр бирергә, ҡалалағы театрҙарға йөрөргә яраталар. Бигерәк тә Башҡорт дәүләт ҡурсаҡ театрына барыуҙы көтөп алалар.
– Мәктәп йәрминкәләренән дә ситтә ҡалмайбыҙ, үҙебеҙҙең синыфта ла айырым ойошторабыҙ. Шулай балалар бәләкәйҙән һатыу итергә өйрәнә. Урмандарҙағы ағастарҙы һаҡлау маҡсатында иҫке ҡағыҙ йыйыуҙа ла әүҙем беҙ. Ололар көнөнә олатай-өләсәйҙәрҙе саҡырып, балалар һөнәрҙәрен күрһәтә. Әсәйҙәргә арналған кисәләрҙе, шулай уҡ ҡышҡы байрамдарҙы ла күңелле үткәрәбеҙ, – ти уҡытыусылары.
Бына шулай һәйбәт итеп уҡыйҙар ҙа, бергәләп ял да итә беләләр.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж