+12 °С
Ямғыр
Бөтә яңылыҡтар
Тирмәкәй
28 Февраль 2020, 13:29
Өс бер туған – өс таған
Гәзитебеҙҙең «Тирмәкәй» махсус сығарылышында республикабыҙҙың төрлө мәктәптәренән өлгөлө уҡыусылар менән таныштырабыҙ. Бөгөнгө геройҙарыбыҙ – Бөрйән районы Мәһәҙей мәктәбенән «бишле»гә генә уҡыған бер туған Рәмис һәм Рәхим Насировтар. Рәхим – II, Рәмис III синыфтан.
Уҡытыусылары Зинира Хәсәнова уларҙы маҡтап ҡына телгә ала:
– Һәр саҡ дәрестәргә әҙерләнеп киләләр, бөхтәләр. Икеһе лә ҡыҙыҡһыныусан, төрлө конкурстарҙа ла ҡатнашалар.
Ысынлап та, өйгә эштәрҙе теүәл үтәү – яҡшы уҡыуҙың, уңыштың бер нигеҙе ул. Малайҙар китап уҡырға әүәҫ. Рәмис – урыҫ яҙыусыларының, ә Рәхим башҡорт әҙиптәренең әҫәрҙәрен күберәк уҡый. Әлбиттә, өйҙәге тәрбиә лә мөһим. Насировтар ғаиләһендә компьютерҙы ҡулланыу ваҡыты сикле. Ул уйын өсөн түгел, ә өҫтәмә белем алыу өсөн генә. Малайҙар интернеттан төрлө тауҙар, йылға-күлдәр, хайуандар тураһында мәғлүмәт ала. Уларҙы тәбиғәт, география ҡыҙыҡһындыра. Ошо йүнәлештә төрлө конкурстарҙа ла ҡатнашалар. Башҡорт дәүләт ҡурсаулығы ойошторған бәйгелә икеһе лә грамота, аҡсалата бүләк алған.
Сәнғәтте лә яраталар. Рәмис һүрәт төшөрөргә оҫта, бәйгеләрҙә ҡатнашып, Маҡтау грамоталарына лайыҡ булған. Ә Рәхим матур йырлай. Былтыр «Урал батыр» эпосын яттан һөйләү конкурсында көсөн һынап ҡараған. Төрлө яҡлап үҙҙәренең һәләттәрен үҫтерергә тырыша улар, спорт менән дә шөғөлләнәләр.
Өлгө алырҙай Данис ағалары VI синыфта уҡый. Ул да – уҡыу алдынғыһы, олимпиадаларҙа һынатмай. Өс малай ҙа шахмат, шашка уйнай. Өйҙә лә бына тигән ярҙамсылар.
– Иртәнсәк йоҡонан торғас, урындарыбыҙҙы йыйыштырабыҙ. Сәй эскәс, ҡашығаяҡты йыйып алабыҙ, әлегә әсәй йыуырға рөхсәт итмәй. Өйгә утын индерәбеҙ. Ҡар яуһа, өсәүләп атайыма ҡар көрәргә ярҙам итәбеҙ. Йәй көнө бесәнгә йөрөйбөҙ, еләк йыябыҙ. Ағиҙелдә һыу инәбеҙ, балыҡ ҡармаҡлайбыҙ, – ти Рәмис.
Насировтарға артабан да тырыш булыуҙарын, тағы ла юғарыраҡ үрҙәр яулауҙарын теләйбеҙ.
Эльвира ӘСӘҘУЛЛИНА.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж