+16 °С
Болотло
Бөтә яңылыҡтар
«Туған телемә – 100 аҙым»
18 Декабрь 2019, 15:20
«Мин – башҡорт!» – тип танышығыҙ!»
Ҡәҙерле уҡыусылар, иғтибарығыҙға танылған шағирә Зөлфиә Ханнанованың «Мин – башҡорт!» – тип танышығыҙ!» шиғырын тәҡдим итәбеҙ.
Яндырылған ауылдарҙың көлдәре беҙ,
Шул көлдәрҙең ҡалҡып сыҡҡан гөлдәре беҙ.
Ни үкенес: ҡыҫҡа булды көндәребеҙ –
Яндырылған ауылдарҙың көлдәре беҙ…
Яндырылған ауылдарҙың күмере беҙ,
Һеҙҙең хәйер-доғаларға тилмерәбеҙ.
Ил-ер өсөн фиҙа булды ғүмеребеҙ –
Яндырылған ауылдарҙың күмере беҙ…
Яндырылған ауылдарҙың төтөнө беҙ.
Онотмағыҙ беҙҙе, зинһар, үтенәбеҙ!
Илгә хаҡһыҙ ҡаныҡҡандың хөкөмө беҙ –
Яндырылған ауылдарҙың төтөнө беҙ…
Яндырылған ауылдарҙың ялҡыны беҙ.
Оноторға беҙҙе шулай хаҡлымы һеҙ?
Танымайбыҙ, ысын башҡорт халҡымы һеҙ?!
Яндырылған ауылдарҙың ялҡыны беҙ…
Яндырылған ауылдарҙың йәндәре беҙ.
Сабыйҙар ҙа шәһит китте, йәлләмәгеҙ!
Хәйер, йәлләй беләме ни йәндәрегеҙ:
Һеҙ бит хәҙер ғәфләт баҫҡан хәлдәһегеҙ…
Яндырылған ауылдарҙың һағышы беҙ –
Йәнебеҙҙе көлдән эҙләп табышығыҙ!
Беҙҙең алда таҙа булһын намыҫығыҙ:
«Беҙ бөтмәнек! Мин–башҡорт!» – тип танышығыҙ!
Белеүегеҙсә, республикала Яҙыусылар союзы тәҡдиме менән «Тыуған телемә – 100 аҙым» тигән проект тормошҡа ашырыла башланы. Маҡсаты – йәш быуынды китапты күберәк уҡыуға йәлеп итеү. Яҙыусылар союзы башҡорт яҙыусыларының һәм шағирҙәрының 100 әҫәренән торған исемлек тә төҙөгән. Унда Зөлфиә Ханнанованың ошо шиғыры ла бар.
Ә һеҙҙең мәктәптә, ауыл китапханаһында был йүнәлештә ниндәй саралар ойошторола? Был турала редакцияға яҙып ебәрегеҙ.
Читайте нас:
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930-2024 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г.Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж