+2 °С
Болотло
TelegramVKOK
Бөтә яңылыҡтар

Илай-илай уҡыным

«Их! Йөрәгемдәге әрнеү, күрә алмаусанлыҡ ошо поездарҙың береһен булһа ла шартлатырға етер ине!» – ти Нурия немец поездары тыҡылдағанда. Үҙенең ҡулында уларҙы шартлатырлыҡ бер нәмә лә булмауына йәне көйә.

Әхнәф Байрамов «Һуҡмаҡтағы йондоҙҙар» тигән китабында Германияға ҡыуылған бер ҡыҙҙың яҙмышын тасуир итә. Ҡыйыу ул, бер ҙә фашис­тарҙан ҡурҡмай. Доктор Курт унан үс алып, табанына ҡыҙған тимер менән йондоҙ баҫа. Ҡанлы аяҡтары менән аҡ ҡар өҫтөндә атлаталар. Ауыртһа ла, ҡыҙ түҙә, үҙе йондоҙҙар менән һөйләшә: «Йондоҙҙарым, мин һеҙҙе тапамайым. Мин һеҙҙе ҡар өҫтөндә күбәйтәм, яһайым».

Нурия Украинала ҡалған әсәһен йәлләй, йөрәге әрней. Тыуған яҡтарына ҡайтҡас, ауылдың, өйөнөң янып бөткәнен күрә. Үҙе ултыртҡан ағасты таба, тик әсәһе генә юҡ. «Ҡарамам ултыра. Тыуған йортом ҡайҙа? Әсәй! Әсәкәйем! Ҡайҙа һин?» Ошо юлдарҙы илай-илай уҡыным.

Минең яҙмамды күргән башҡа балалар ҙа был китапты табып уҡырҙар, тип уйлайым.

Гөлиә ҠАРАМЫШЕВА, III синыф уҡыусыһы.
Бөрйән районы, Әбделмәмбәт ауылы.

Читайте нас: