-4 °С
Ҡар
Бөтә яңылыҡтар
Тыуған яғым - алтын бишек
12 Июль 2019, 13:15
Йәшәү өсөн кәрәкле сығанаҡ
Тыуған яҡ, тиһәң, иң элек күҙ алдына урманлы-таулы Ирәндек, Урал буйҙары, иген баҫыуҙары, аллы-гөллө сәскәле ауыл ихаталары, балалар эшләп йөрөгән мәктәп яны баҡсалары күҙ алдына баҫа.
Тыуған яҡ – иң элек матурлыҡ, гүзәллек донъяһы ла. Беҙҙең Әбйәлил төбәгендә, барайым, тиһәң, саф һыулы шишмәләр ҙә, менәйем, тиһәң, тотош ағастар менән ҡапланған тауҙар, күрәйем, тиһәң, аҡ ҡайынлы йылға, күл буйҙары ла бар. Кеше тәбиғәтһеҙ йәшәй алмаған кеүек, тәбиғәт тә кеше хәстәренә мохтаж шул.
Бала саҡтан беҙ, өлкәндәр, теге йәки был тауҙың, йылға-күлдең исем-атамаһы тураһында атай-әсәйҙәребеҙҙән, олатай-өләсәйҙәребеҙҙән ишетеп белгән риүәйәт-легендалар бөгөнгө балаларҙы ла ҡыҙыҡһындырмай ҡалмай. Таһир Күсимов исемендәге Асҡар гимназияһының Зәйнәп Сабирйән ҡыҙы Төхвәтуллина етәкләгән IV «Б» синыфы уҡыусылары ла тап ошо маҡсаттан велосипедтарҙа үҙҙәрен ҡыҙыҡһындырған тау-урман буйҙарында йөрөп ҡайтты. Улар тәбиғәт ҡосағында бер генә тапҡыр булманы, әлбиттә. Көндәр йылынғас, дүртенселәрҙең был сәйәхәте бер нисә мәртәбә ҡабатланды.
Зәйнәп Сабирйән ҡыҙы сәйәхәт барышында уҡыусыларын ер-һыу атамалары, улар тураһында халыҡ араһында йөрөгән риүәйәттәр менән таныштырҙы. Балалар үҙҙәре менән сүп-сар һалырға тоҡсайҙар ҙа алып йөрөнө. Юл буйҙарына кешеләр ташлап киткән ҡағыҙ, ҡыйҙарҙы йыйып, сүп урындарына алып барып ҡалдырҙылар. Зәйнәп Сабирйән ҡыҙы таҙалыҡтың иң элек һаулыҡҡа ҙур йоғонтоһо тураһында һөйләп, балаларҙың үҙҙәре йәшәгән йорт тирәһендә лә тәртип булдырыуҙарын талап итә. Юҡҡа ғына уларҙың велоуҙыштары «Минең таҙа тыуған яғым» тип аталмай.
Балаларҙың был ябай булмаған сәйәхәте Башҡортостаныбыҙҙың 100 йыллыҡ юбилейына ҡарата ойошторолған бер сара ла ул. Юлда хәрәкәт иткәндә улар таҙа, матур ауылдарҙы күреп үтеүҙәре тураһында һөйләп, башҡа синыф уҡыусыларын да «Минең таҙа тыуған яғым» акцияһына ҡушылырға саҡырҙы. Ни тиһәң дә, Әбйәлил – тәбиғәттең гүзәл төбәге. Тыуған ерҙе таҙа тотоу иң элек мәктәп уҡыусылары, ауыл кешеләре тырышлығына бәйле. «Ятып ҡалғансы атып ҡал», – тигәндәй, дүртенселәр бөгөнгө көн менән генә йәшәмәй, киләсәк тураһында ла ҡайғырта. «Таҙалыҡ бер ҡасан да үҙен аҡламай ҡалмай», – ти Зәйнәп Сабирйән ҡыҙы. Ул – йәшәү өсөн иң кәрәкле сығанаҡтарҙың береһе.
Зөһрә КАШАПОВА.
Әбйәлил районы, Асҡар ауылы.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж