Ғәҙелша шарлауығына сәйәхәт

Улар был шарлауыҡтың Урал аръяғының ынйыһы булыуын, Башҡортостанда бейеклеге 20 метрлыҡ иң ҙур өс һикәлтәле өҙлөкһөҙ ағымдарҙың береһе икәнен белде. Ә исеме борон­ғо башҡорт ауылы атамаһынан барлыҡҡа килгән. Уға үҙ ваҡытында урындағы халыҡ араһында ҙур ихтирамға эйә булған старшина Ғәҙелша Илиев исеме бирелгән.
Тәбиғәт ҡомартҡыһы Ирәндек һыртының көнсығыш битләүендәге урманлы үҙәндә, тарлауыҡта урынлашҡан. Бында саф һыулы ҙур булмаған Төйәләҫ тау йыл­ғаһы аға. Хәҙерге ваҡытта мул ямғыр­ҙар арҡаһында шарлауыҡ тулы һыулы. Уның ағымы текә таш баҫҡыстар буйлап түбән аға. Һуңынан ҡаялар менән ҡыҫыла һәм ныҡ тарая. Һуңғы һөҙәклектән төшкәс, ҙур булмаған шишмәләргә бүленеп ағып, таш төбөнә шау-шыу менән бәрелә. Шарлауыҡ һыуы сағыу һары төҫкә буяла, сөнки йылғаның бөтә битләүҙәре һәм уның тирә-яғы тәбиғи йәшмә менән ҡаплан­ған. Бай ятҡылыҡтар өҫкә сыға, һөҙөмтәлә, аҡҡан һыу тутыҡ төҫлө ҡыҙғылт һары төҫкә инә.
Балаларҙа таш вулкан тоҡомдарынан тор­ған текә ҡаялар айырыуса һоҡланыу уятты. Әйтеп бөтөргөһөҙ матурлыҡҡа һоҡланып, йәш ту­рис­тарҙың иҫ киткес тәбиғәт ҡомартҡыһы янынан хатта ҡайт­ҡыһы ла килмәне.

Гөлназ ИБРАҺИМОВА.
Хәйбулла районы.