+12 °С
Ямғыр
Бөтә яңылыҡтар
"Йәншишмә"гә – 90 йәш
14 Февраль 2020, 15:29
Һөнәр һайларға ла ярҙам итте
Хәтеремдә, минең дә тәүге шиғырым нәҡ ошо гәзиттә донъя күреп, өмөтләндерҙе, илһам ҡанаттарымды нығытты. Зөбәржәт апай Миңлебаева, Зөһрә апай Ҡотлогилдиналар беҙҙе, йәш хәбәрселәрҙе, ижадҡа дәртләндереп кенә торҙо.
Данлыҡлы Юлдыбай мәктәбендә беҙҙе башҡорт теле һәм әҙәбиәтенән уҡытҡан уҡытыусыбыҙ Нәфисә Нәҙерғолова менән яҡташ шағирәбеҙ Фәүзиә инәй Юлдашбаева ойошторған «Сатҡылар» әҙәби түңәрәге лә ошо баҫма менән тығыҙ эшләне, беҙҙең шиғыр-хикәйәләрҙе, әкиәттәрҙе, мәҡәләләребеҙҙе баҫтырып торҙо. Гәзиттә сыҡҡан яҙмаларымды йыйып, синыф етәксебеҙ Сәрбиямал Ихсанова синыф музейы өсөн альбом да эшләткәйне (ун беренсене бөткән йылды уны ҡулыма тапшырҙы, әлеге көндә минең үҙемдә һаҡлана).
Тәүге гонорарымды алған көнөмдө әле лә хәтерләйем. Бәләкәй генә уҡыусы ҡыҙҙың шиғырҙарын баһалап, гәзит биттәрендә баҫтырып, өҫтәүенә, аҡсаһын да түләүҙәре хайран ҡалырлыҡ ине! Шуға китап та, матур дәфтәр ҙә, ручка-ҡәләмдәр ҙә, сәскә тағырға таҫмалар ҙа, хатта әҙерәк тәм-том да алғайным.
Мәктәптә уҡыған ваҡытта «Йәш хәбәрсе» исемен алыуымдың һөнәр һайлағанда ла файҙаһы тейҙе. Башҡорт дәүләт университетының башҡорт филологияһы һәм журналистика факультетына уҡырға инергә тип ниәтләп йөрөгәндә лә «Йәншишмә»м ярҙам ҡулын һуҙҙы.
Балалар һәм үҫмерҙәр баҫмаһында ҡанат нығытып, оло ижад юлына сыҡҡандар бихисап бит ул. Курсташтарым Фәнил Бүләков, Гөлсинә Байғужина (Йосопова), Рәшиҙә Байғужина (мәрхүмә инде күптән), Гүзәлиә Түләшева, Ләйсән Шәүәлиева, Лилиә Әмирханова, Әлиә Фәррәхова, Гөлназ Яҡупова, Земфира Әбүшахмановаларҙың да тормошо, эшмәкәрлеге ижад һәм журналистика менән бәйле. Күптәргә юл күрһәткән туҡһан йыллыҡ бай тарихлы «Йәншишмә»беҙ киләсәктә лә башҡорт журналистары һәм әҙәбиәтселәре үҫтерәсәк әле.
Айгөл АЙЫТҠОЛОВА, Башҡортостан һәм Рәсәй журналистар, Башҡортостан яҙыусылар союздары ағзаһы,
Күгәрсен районының «Мораҙым» гәзите хәбәрсеһе.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж