+12 °С
Ямғыр
Бөтә яңылыҡтар
Йәйге ял
26 Июль 2019, 13:30
Ислам – ырыу батыры, Таңсулпан – йәйләү һылыуҡайы
– Балалар, ял итеү оҡшанымы? Лагерь етәксеһе Гөлсибәр Ғилманованың һорауына ҡыҙҙар, малайҙар шат, берҙәм тауыш менән шунда уҡ:– Эйе, – тип яуапланы.
– Йәл, тиҙ генә үтте лә китте, ай аҙағына хәтлем булһа, ҡайһылай һәйбәт булыр ине лә ул, – тиеүселәр ҙә табылды.
Ысынлап та, ялдары матур ойошторолған икән балаларҙың. Һәр көндәре иҫтәлекле үтһен өсөн тәрбиәселәре Фәнилә Шафиҡ ҡыҙы Иҫәнсурина, Фәнүзә Ғәли ҡыҙы Ғәлиева, физкультура буйынса етәксе, практика үтеүсе Вилдан Илдар улы Әбделмәнев бөтә тырышлығын, көсөн һалған.
– «Үҫәргән», «Бөрйән», «Ҡыпсаҡ», «Юрматы» ырыуҙарына бүленеп, 30 бала ял итте. Һәр береһенең үҙенең исеме, девизы, йыры булды. Ҡайҙа ғына барһаҡ та, хор менән уларҙы әйтеп, йырлап йөрөнөк.
Һәр көнөбөҙҙө нимәгәлер арнаныҡ. Күмәкләп иҫке ҡағыҙ ҙа йыйып, магазинға тапшырҙыҡ. Бик күп кенә булды. 200 килограмм тирәһе. Мәсеткә барып килдек, баҡсала эшләнек. Тәбиғәт ҡосағына «Кәкүк сәйе»нә лә сыҡтыҡ. «Йәйләү һылыуы», «Ырыу батыры» конкурстары мауыҡтырғыс үтте. Егеттәр уҡтан атты, ҡыҙҙар милли костюмдар кейеп, йыр, бейеү буйынса оҫталыҡтарын күрһәтте. Таңсулпан Иҫәнсурина йәйләү һылыуҡайы тип танылһа, Ислам Мырҙабулатов ырыу батыры булды. Һуңғы көндә һәйкәлгә барып, сәскәләр һалдыҡ, – ти Ибрай мәктәбенең көндөҙгө ял лагеры етәксеһе Гөлсибәр Сабит ҡыҙы.
Лагерҙағы 21 көндөң үткәне һиҙелмәй ҙә ҡалды, бында ял итеүселәр бай тәьҫораттар ғына туплап ҡалманы, илебеҙҙең тарихы, мәҙәниәте буйынса белемдәрен дә арттырҙы.
Гөлназ ШӘЙХЕТДИНОВА.
Ейәнсура районы.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж