+12 °С
Ямғыр
Бөтә яңылыҡтар
Йәйге ял
24 Июль 2020, 14:31
Онлайн лагерҙар ғына эшләй
Йәйҙең икенсе айы ла үтеп бара. Быйыл ул элеккеләренә бер ҙә оҡшамаған шул. Каникулға сығыу менән балалар мәктәп лагерына йөрөй башлай торғайны. Атай-әсәйҙәре эштә саҡта төшкә тиклем булһа ла ҡараулы инеләр. Ял һәм һауыҡтырыу лагерҙарына, шифаханаларға барыу мөмкинлеге бар ине. Быйыл, ҡыҙғанысҡа ҡаршы, ҡороғорвирус арҡаһында уларҙың береһе лә әлегә асылмай тора. Ни ғәҙәттән тыш эҫеһе тышҡа сығырға ла ирек бирмәй.
Лагерҙарҙы асыу ваҡыты тағы ай аҙағына тиклем кисектерелде. Коронавирус сире эҫенән дә ҡурҡмай, хәҙер таныш-белештәр араһында ла сирләүселәр тураһында ишетелә башланы.
Ауылда туғандары булмаған ҡала балалары күберәк өйҙә ултырырға мәжбүр. Ни эшләһендәр, эпидемиологик хәл һаман киҫкен булып ҡала. Шуға ла республикала 20 июлдән тағы онлайн сменаларҙы тергеҙергә булдылар. Башҡортостан Хөкүмәте Премьер-министры урынбаҫары Фәнүр Йәғәфәров белдереүенсә, йәй башында ойошторолған онлайн лагерҙарҙы Башҡортостандан ғына түгел, Рәсәйҙең бүтән төбәктәренән – Краснодар крайынан, Төмән, Силәбе, Свердлов өлкәләренән, Татарстандан, Ямал-Ненец округынан да балалар бик оҡшатҡан. Бөтәһе 89 мең уҡыусы ҡатнашҡан.
Был юлы ла бай программа әҙерләнгән. Бизнес-проекттарҙың презентациялары, «Уңышлы балалар мәктәбе», «Эшлекле этикет»... Был онлайн лагерҙа үҙең өсөн күп яңылыҡ белергә була.
Исемлеккә 43 смена ингән. Улар менән Башҡортостан мәғариф һәм фән министрлығы сайтында танышырға мөмкин: education.bashkortostan.ru.
«Бәйләнештә» селтәрендә төркөмдәре, сайттары бар. Мәҫәлән, «Йәш туристар-тыуған яҡты өйрәнеүселәр» онлайн лагерында ҡатнашҡығыҙ киләме? Рәхим итегеҙ.
Мәләүездәге 9-сы башҡорт гимназияһы «Йәйләү» сменаһын 11 – 20 августа ойошторасаҡ икән. Ғөмүмән, үҙегеҙ теләгән йүнәлеште һайлап алырға мөмкин. Барыһы ла бушлай, тик интернетың ғына булһын. Республиканың теләһә ниндәй ҡала, районында эшләгән онлайн лагерға яҙылырға мөмкин – шуныһы ла уңайлы.
Эльвира ӘСӘҘУЛЛИНА.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж