+12 °С
Болотло
Бөтә яңылыҡтар
Йәйге ял
30 Июль 2020, 18:11
Малайҙар бура һуға!
Ирхан һәм Мораҙым Хәбировтар, Радмир Абдуллин һәм Артур Уразаевтар – әле Бөрйән районы Ғәҙелгәрәй ауылында ҡунаҡта. Өләсәй һәм олатайҙары күрше йәшәгәс, ейәндәре бергә уйнарға ярата.
Бына был юлы ла уларҙың ялдары бергә тура килде. Малайҙар ҡыуанышып осрашты. Уларҙың шатлығын Марсель олатай ҙа уртаҡлашмаҡсы булды. «Малайҙар, әйҙә, хәҙер бура һуғып алабыҙ!» – тине.
Был уйын уларға күптән таныш. Бураларҙы Марсель олатай үҙе эшләп биргән. Был юлы ла таяҡтар малайҙарҙың ҡунаҡҡа килгәнен көтөп алған, тиерһең. Теге юлы ырғытҡан таяҡтар ярайһы уҡ кипкән, үҙҙәре осорға ғына тора.
Малайҙар тәүҙә «артиллерия» төҙөй. Ул «танк», «самолёт», «пушка», «ябыҡ һәм асыҡ хат», «йылан», «ҡоҙоҡ» формаларында бураларҙан эшләнә. Уларҙан артҡа ун аҙым яһалғас, сиратҡа теҙеләләр. Уйындың шарты шулай.
Уйында Радмир сосораҡ. Ул һелтәгән таяҡтар ҡоролған бураларҙы туҙҙыра ғына. Мораҙым, уйынсылар араһында иң бәләкәйе булыуға ҡарамаҫтан, таяҡтарҙы оҫта ҡуллана. Ә иң ҡыйыны «самолёт» бураһын туҙҙырыу икән.
Марсель олатай малайҙарҙы ситтән күҙәтеп тора ла: «Афарин, ҡайһылай маладис! Шәп, әйҙә, таяҡты аҫтаныраҡ һелтә!» – тип дәртләндереп ебәрә. Ҡыҙыу уйынға ҡайһы саҡ үҙе лә ҡушыла. Шунда иң мәрәкәһе башлана. «Бына хәҙер оҫталыҡ күрһәтәм», – тигән олатайҙың таяҡтары ситкә оса башлай. «Һеҙҙең сослоҡҡа етеп булмаҫ инде минең йәштә», – тип уйындан сыға һала.
Бына шулай, халыҡ уйындарында таһыллыҡ та, мәргәнлек тә, көс тә, дәрт тә кәрәк.
Х. МӨХӘМӘТОВА.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж