-4 °С
Болотло
Бөтә яңылыҡтар
Яңы китап сыҡты
22 Декабрь 2017, 13:01
Өләсәй бүләге
«Алыҫ-алыҫтағы ауылда үҙенең олатаһы һәм өләсәһе менән бергә көләс йөҙлө, шат күңелле Гөлсәсәк исемле бер ҡыҙ йәшәгән…Бөтә ерҙе мамыҡ ҡар, йылғаларҙы ҡалын боҙ ҡаплағас, тәҙрәләргә һалҡын ҡыштың биҙәктәре төшкәс, Гөлсәсәк Яңы йыл байрамына әҙерләнә башлаған…»
«Алыҫ-алыҫтағы ауылда үҙенең олатаһы һәм өләсәһе менән бергә көләс йөҙлө, шат күңелле Гөлсәсәк исемле бер ҡыҙ йәшәгән…
Бөтә ерҙе мамыҡ ҡар, йылғаларҙы ҡалын боҙ ҡаплағас, тәҙрәләргә һалҡын ҡыштың биҙәктәре төшкәс, Гөлсәсәк Яңы йыл байрамына әҙерләнә башлаған…»
Күренекле яҙыусы Мөкәрәмә Садиҡованың «Бәхет ҡанаттары» исемле яңы китабындағы «Гөлсәсәктең дуҫтары» әкиәте шулай башлана.
Олатаһы төрлө-төрлө уйынсыҡтар һатып алған, ә өләсәһе иҫ киткес матур күлдәк теккән. Әммә Яңы йыл байрамын ҡаршы алырға шыршы ғына юҡ икән. Көндәр һалҡынайтҡас, олатаһының аяҡтары һыҙлаған, урманға бара алмаған.
Шыршыһыҙ байрам буламы ни? Гөлсәсәк урманға үҙе барырға ҡарар иткән. Олатаһы ҡаршы килмәһә лә, өләсәһе ейәнсәренең яңғыҙ юлға сығыуына борсола башлаған. Буран сығып китһә, аҙашыр йә ас бүреләргә юлығыр, тип ҡурҡҡан. Гөлсәсәктең уйынан кире ҡайтмаҫлығын күргәс, бер икмәк менән бер көршәк бал тоттороп, хәйерле юл теләп ҡалған. Урманда ҡыҙыҡай төрлө мажараларға осрап, тоғро дуҫы Аҡтырнаҡ һәм үҙе ярҙам иткән ҡоштар, йәнлектәр менән Ҡыш бабай һәм Ҡарһылыуҙың боҙ өйөнә барып етә. Унан шыршы алып ҡайта. Байрамға үҙенә Ҡыш бабайға юл күрһәткән бөтә урман йәнлектәрен саҡыра. Ә сәйәхәттәге мажаралы ваҡиғалар тураһында әкиәтте уҡығас белерһегеҙ.
Яҙыусы Мөкәрәмә Садиҡованың «Бәхет ҡанаттары»н өләсәйҙәр китабы тип атарға була. Сөнки бындағы байтаҡ хикәйәләрендә әҙибә бер нәмәне лә уйлап сығармай, үҙенең ейән-ейәнсәрҙәре менән булған ҡыҙыҡлы хәлдәрҙе мауыҡтырғыс итеп һүрәтләй. Һәр ҡыҫҡа ғына хикәйәлә бәләкәстәргә ниндәйҙер аҡыл, фәһем, өгөт-нәсихәт бирелә.
Өләсәйҙәре менән ихлас аралашып йәшәгән ейән-ейәнсәрҙәр бәхетле. Улар тәрбиәле, тыйнаҡ, итәғәтле булып үҫә. Нимә яҡшы, нимә насар икәнен кескәйҙән аңына һеңдерә. Халҡыбыҙҙың борондан килгән ғөрөф-ғәҙәттәре, йолалары нигеҙендә тәрбиәләнә улар. Өләсәйҙәр һәр ваҡиғаны ябай ғына итеп аңлатып, бала күңеленә онотолмаҫ тәрбиә орлоҡтары һала белә.
Нимә ул бәхет, бүләктең ниндәйе ҡәҙерле, шәп малай ниндәй була, ысын дуҫты нисек танырға – бына шундай бик күп һорауҙарға яуап таба бәләкәс уҡыусылар әлеге китапта.
Ә бәхет ҡанаттары нимә ул? Быныһын да китапты уҡығас, үҙегеҙ белерһегеҙ. Рәссам Ирина Әхмәҙуллина йыйынтыҡты бик матур һүрәттәр менән биҙәгән.
Ейән-ейәнсәрҙәрен генә түгел, ә бүлә-бүләсәләрен дә күреп ҡыуанған билдәле әҙибә Мөкәрәмә Садиҡованың Яңы йыл алдынан ғына сыҡҡан китабы уҡыусыларға бына тигән байрам бүләге булған.
Зөһрә ҠОТЛОГИЛДИНА.
Читайте нас:
Редакция һайлауы
Новости партнеров
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж