-8 °С
Болотло
Бөтә яңылыҡтар
Йолаларыбыҙ
5 Ғинуар 2019, 19:19
Йолаларға һөйөү тәрбиәләп
Фатима Мостафина исемендәге 20-се башҡорт гимназияһында халҡыбыҙҙың йолаларына, ғөрөф-ғәҙәттәренә һөйөү тәрбиәләгән әһәмиәтле сараларҙың йыш уҙғарылыуы ҡыуаныслы. Шундайҙарҙың береһе «Рухлы ғаилә – ил ҡото» тип аталды. Ул Ғаилә йылына, Туған телдәр көнөнә, Мөхәмәтша Буранғоловтың тыуыуына 130 йыл тулыуға, Башҡортостандың 100 йыллығына арналды.
Был башҡорт фольклоры фестивалендә балалар менән бергә рухлы атай-әсәйҙәр, өләсәйҙәрҙең дә ҡатнашыуы үҙе бер ҙур мәртәбә булды. Ниндәй генә йолалар әҙерләп килмәгәндәр, сығыштар береһенән-береһе сағыуыраҡ, йөкмәткелерәк ине! Барыһы ла тырышҡан, күп көс һалған. Башланғыс синыфтарҙан фестивалде II «В»лар башлап ебәрҙе. Улар кис ултырыуҙы сәхнәләштерҙе. «Ҡарлуғастар» фольклор төркөмө сығышы ла матур ине. Атай-әсәйҙәр балалары менән шәжәрәләрен күрһәтеп, ете быуынды белергә саҡырҙы.
«Ынйылар» исем ҡушыу йолаһын әҙерләгәйне. Шуға бәйле әллә күпме һамаҡтар, ырымдар, юрауҙар, йырҙар өйрәнгәндәр. Өләсәйҙәрҙең бәпес күтәреп йүгереп йөрөүе, уны йыуындырыуҙары, мулланың сүрәләр уҡып, исем ҡушыуы – һәр береһен ҡарап ултырыу һоҡланғыс ине. Үҙебеҙгә файҙалы мәғлүмәт тә тупланыҡ. Баҡһаң, баланы тары һалып йыуындырһаң, ул ырыҫлы булып үҫә икән. IV «Б»лар аулаҡ өйҙө сәхнәгә сығарһа, IV «В»лар Мөхәмәтша Буранғоловтың «Башҡорт туйы» пьесаһынан өҙөк тәҡдим итте. III «Б»лар кис ултырып шәл бәйләүҙе ҡуйҙы. Өләсәй һандығы ла үҙендә күп серҙәр һаҡлай икән. Уны беҙгә I «В»нан өләсәй менән ейәнсәр – Ишбулатовтар ғаиләһе күрһәтте. «Ҡаҙ өмәһе»н һынландырыусы V «Б»лар сығышы ла барыһын хайран итте. Үҙҙәре, етмәһә, ҡаҙ бешереп тә килтергән бит әле.
Әлбиттә, бәйге булғас, еңеүселәр ҙә була.Улар башланғыс, өлкән синыфтар араһында айырым-айырым билдәләнде. «Хазина» (IV «Б»), «Ҡарлуғастар» (III «А»), «Арғымаҡ» (X «Б»), «Ауыл ҡыҙҙары» (VI «Б») фольклор төркөмдәре өсөнсө урын яулаһа, «Нағыш» (II «Б»), Ишбулатовтар ғаиләһе (I «В»), «Осҡон» (VII «В»), «Йәшлек» (X «А») икенсе урынға сыҡты. «Дуҫлыҡ» (III «Б»), «Хазина» (IV «В»), «Гөрләүек» (VII «Б») I урын алып ҡыуанды. Исем ҡушыу йолаһын сәхнәләштергән «Ынйылар» (II «А»), ҡаҙ өмәһен ҡуйған V «Б»лар Гран-при хужаһы булды. Афариндар!
Г. РАМАҘАНОВА.
Өфө ҡалаһы.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж