-3 °С
Болотло
Бөтә яңылыҡтар
Йолаларыбыҙ
5 Ноябрь 2020, 23:09
Мин – Сөмбөлә, киләм һеҙгә, көҙгө байлыҡ ҡулымда
Беҙҙең халыҡ матур йолаларға, байрамдарға иҫ киткес бай. Ҡыҙғанысҡа ҡаршы, ҡайһылары онотола төшкән. Йолалар һаҡланһа, халыҡ та йәшәй, шуға ла беҙ уларҙы, милли байрамдарҙы тергеҙеү, халыҡ араһында таратыу маҡсатында төрлө эштәр алып барабыҙ. Ике йыл инде ауыл халҡы менән ҡышҡы «Нардуған» байрамы ойошторҙоҡ. Ә быйыл көҙ «Сөмбөлә»не үткәрҙек.
Тарихҡа күҙ һалһаҡ, ул 21 – 23 сентябрҙә, әбейҙәр сыуағы ваҡытында, көн менән төндөң оҙонлоғо тигеҙләшкән осорҙа уҙғарылған. Элек уңыш байрамында күбеһенсә ир-егеттәр ҡатнашҡан. Улар ҡырға сығып, ҙур байрам ойошторған, ат сабыштары уҙғарылған, батырҙар билдәрен көрәштә һынаған. Ҡорбан итеп йылҡы, һыйыр салғандар, оло инәй-олатайҙарҙан фатиха алғандар, Ер-әсәгә уңыш өсөн рәхмәт әйткәндәр. Тора-бара был йола ярайһы уҡ үҙгәрештәр кисергән, байрамда ҡатын-ҡыҙҙар, йәштәр генә ҡатнаша башлаған. Улар кендек инәләренә бүләктәр биреп, ололарҙан фатиха алған.
Байрамдың иң сағыу өлөшөнөң береһе булараҡ, Сөмбөләне һайлау традицияға инеп киткән. Ана шул йоланы бынан бер нисә йыл элек Башҡортостан Республикаһы Ҡатын-ҡыҙҙар йәмғиәте тергеҙә лә инде. Беҙ ҙә уны үткәреп ҡарарға булдыҡ. Байрам бик матур килеп сыҡты.
Ҡатнашыусылыр көҙгө уңыштан күргәҙмә, үҙенсәлекле гөлләмәләр, йәшелсә элементтары менән костюмдар әҙерләне. Уҡыусылар көҙ тураһында шиғырҙар һөйләне, йырлап-бейеп күңел асты, ҡыҙыҡлы уйындарҙа ҡатнашты. Тапҡыр йомаҡтарға ла тиҙ генә яуап бирҙеләр, мәҡәлдәрҙе лә яҡшы белеүҙәрен күрһәттеләр. Байрамды алып барыусылар – Ҡарасҡы (Сәриә Закирова) һәм Сөмбөлә (Гөлнәзирә Баязитова) һәр кемде уйынға йәлеп итеп, дәртләндереп торҙо.
Унда ата-әсәләр ҙә әүҙем ҡатнашты. Төрлө уйындар, бейеүҙәр менән оҙағыраҡҡа һуҙылһа ла, берәү ҙә арыманы. Байрам тамамланғас та, ҡайтышырға ашыҡмай, ихлас әңгәмәләштеләр. Күңелле тамаша бөтәһенә лә оҡшаны, уны киләһе йылда киңерәк итеп ойошторорға кәрәк, тигән фекерҙә өйҙәребеҙгә таралыштыҡ.
Сәүиә ЗАКИРОВА.
Белорет районы, Ғәбдөк ауылы.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж