-6 °С
Болотло
Бөтә яңылыҡтар
Ҡыуаныслы хәбәрҙәр
16 Октябрь 2020, 16:52
Питерҙан – еңеү менән!
Сентябрҙең тәүге аҙнаһында Рәсәйҙең төньяҡ баш ҡалаһы Санкт-Петербургта уҡыусыларҙың «Үҙеңдә ғалимды ас» («Открой в себе ученого») VII Бөтә Рәсәй фәни-инновацион ғәмәли кәңәшмәһе үтте.
Уның төп маҡсаты һәләтле, белемле, фәнни тикшеренеүҙәр, эҙләнеүҙәр алып барған балаларҙы туплау ине. Конференция Халыҡ-ара банк институты, Санкт-Петербург дәүләт аграр, дәүләт диңгеҙ техник, Жорес Алфёров исемендәге Санкт-Петербург милли эҙләнеү академия университеттары менән берлектә үткәрелде. Был сарала ҡатнашыу уҡыусыларға төньяҡ баш ҡалабыҙҙың юғары уҡыу йорттарына уҡырға ингәндә өҫтөнлөк бирә. Быйыл республикабыҙ намыҫын Таһир Күсимов исемендәге Асҡар гимназияһының X cиныф уҡыусыһы, әхирәтем Рушана Хисаметдинова ла яҡланы. Әйткәндәй, Башҡортостан делегацияһында беҙҙең райондыҡылар ғына ине.
Конференцияла 54 төбәк ҡатнашты, 16 секцияла эш алып барылды. Рушана (етәксеһе – башҡорт теле һәм әҙәбиәте уҡытыусыһы Альбина Ринат ҡыҙы Мулләхмәтова) «Шәғәли Шаҡман – халыҡ илсеһе» темаһына фәнни-тикшеренеү проектын яҡланы. Белгегеҙ килһә, был эшенә күптән тотонғайны. Тамъян ырыуы башлығы Шәғәли Шаҡман бейҙең тормош юлын, шәжәрәһен, тарихта, әҙәбиәттә, халыҡ ижадында, сәнғәттә нисек сағылдырылыуын тулыһынса өйрәнеп, интернет селтәрендә бөйөк тархан тураһында мәғлүмәти бит тә булдыра.
Төплө фәнни эше менән әхирәтем тарих секцияһында I урын яулай һәм ҡиммәтле бүләк менән билдәләнә. Төрлө юғары уҡыу йорттарынан йыйылған эксперттар Рушананың эшен юғары баһалай һәм республикабыҙ, бөйөк тархан тураһында бай мәғлүмәт алыуҙары хаҡында әйтә. Сығыш яһап бөткәс, мотлаҡ Башҡортостанға сәләм еткерергә ҡушалар. Етәксеһе башҡорт теле һәм әҙәбиәте уҡытыусыһы Альбина Ринат ҡыҙы: «Уҡыусым менән Башҡортостанды Рәсәйҙең төньяҡ баш ҡалаһында юғары кимәлдә күрһәтеүебеҙ менән сикһеҙ ғорурланам. Был – беҙҙең өсөн бик юғары баһа. Әйткәндәй, Рушана бик яҡшы уҡый, әүҙем, фәнни-тикшеренеү эштәре менән IV синыфтан алып шөғөлләнә. Республикала үткәрелгән конференцияларҙа йыш ҡына ҡатнашып, еңеүҙәр яулай. Яҙғыһын Ҡазан ҡалаһында үткәрелгән дистанцион фәнни-ғәмәли конференцияла ла III урын алды. Рушана менән эҙләнеү, төрлө проект эштәре алып барыу мауыҡтырғыс. Ата-әсәһе лә (Йондоҙ һәм Ришат Хисаметдиновтар) һәр ваҡыт ярҙам ҡулы һуҙа. Йәйге каникулда ғаиләләре менән Белорет районы Ҡаһарман ауылына Шәғәли Шаҡмандың ҡәберлегенә лә барып ҡайттылар. Уларҙың рухлы, матур ғаиләһе һоҡландыра. Шулай уҡ мәктәп директоры Рәмил Нурислам улы Әхмәтовҡа, район мәғариф бүлегенә лә беҙҙе дәртләндереп тороуҙары өсөн рәхмәт».
Биш көн дауамында барған фәнни-инновацион конференцияның программаһы бик бай булды. Уҡыусылар өсөн «Нимә? Ҡайҙа? Ҡасан?» уйыны, Санкт-Петербург буйлап сәйәхәттәр, уҡытыусылар өсөн «түңәрәк өҫтәл» кеүек саралар онотолмаҫлыҡ тәьҫораттар ҡалдырҙы. Әбйәлил уҡыусылары араһында һәләтле, фән менән ҡыҙыҡһынған балалар бик күп. Улар республикала үткәрелгән саралар менән генә сикләнеп ҡалмаһындар, Бөтә Рәсәй, халыҡ-ара конференцияларҙа ла ҡатнашһындар ине. Киләһе йыл районыбыҙҙан тағы ла күберәк уҡыусылар барһындар, күрһендәр, үҙҙәрен үҫтерһендәр, тигән теләктә ҡалам.
Әбйәлил районы,
Асҡарҙағы Таһир Күсимов исемендәге гимназия.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж