-12 °С
Болотло
Бөтә яңылыҡтар
Замана дәрестәре
29 Март 2021, 15:45
Блог һәм блоггерҙар
Әлеге заманда бик тә модалы һүҙ – “блог”, инглиздың теленең “web log” тигән һүҙенән алынған, йәғни интернет-көндәлек тигәнде аңлата.
Көндәлекте алып барыу – блоггинг, ә алыу барыусыһы блоггер була. Айырыуса "Инстаграм"да блогтар алып барыу популярлашып китте. Улар ҙа әллә нисә төргә бүленә икән, әйтәм, халыҡ йығылып китеп шунан сыҡмай, бик киң таралғандарын, әйҙәгеҙ, бергәләп барлап китәйек.
Шәхси блог тигәне – иң киң таралғаны. Был берәй шәхестең йәки ябай бер кешенең көндәлек тормошон сағылдыра: ҡайҙа бара, нимә ашай, нисек йәшәй, нимә менән ҡыҙыҡһына? Элек дәфтәргә яҙып көндәлек алып баралар ине, ә хәҙер бына ошолай иртә таңдан һинең тормошоң кеше күҙендә.
Тематик блог – быныһы инде ниндәй ҙә булһа темаға арналған була: ҡул эштәре, ашарға бешереү, косметика, үҙ-үҙеңде ҡарау... Һанай китһәң, күп инде.
Бизнес блог – ниндәй ҙә булһа хеҙмәт йәки тауар ярҙамында интернетта аҡса эшләү өсөн булдырылған уныһы.
Фәнни блог – бындай блог, ғәҙәттә, берәй ғалим, белгес тарафынан алып барыла. Автор унда үҙ өлкәһенә ҡағылышлы яңылыҡтарын, шәхси күҙәтеүҙәрен, фекерҙәрен яҙып бара.
Мәҙәни блог – әлеге төр мәҙәниәттең бар өлкәһенә (театр, кино, сәнғәт, музыка һәм башҡалар) бағышлана. Ошо өлкә яңылыҡтарын сағылдыра.
Белем биреү блогы – уны уҡытыусылар, студенттар, юғары синыф уҡыусылары алып барырға мөмкин. Үҙҙәренең уҡыу, уҡытыу программалары, уңыштары менән бүлешергә, яҙылыусылары өсөн был өлкәлә файҙалы мәғлүмәттәр тәҡдим итергә мөмкин.
Юғары технологияларға бағышланғаны – IT-технологиялар, гаджеттар тураһында мәғлүмәттәрҙе шунда табырға була.
Блог форум – төрлө фекер алышыу, һорауҙарға яуап алыу, үҙең белгән лайфхаклар менән бүлешеү өсөн ҡулай. Яҙылыусылар араһында әңгәмә ҡоралар.
Яңылыҡтар блогы йәки паблик – бындай төр блогтар ҡайһы ла булһа ҡала, төбәк, ойошма, айырым темалар буйынса берләшә. Уны бер нисә кеше алып барырға мөмкин. Төрлө хәбәрҙәр, ҡыҙыҡлы яңылыҡтар оператив рәүештә ҡуйып барыла.
Фото: priumnaiay.ru
Читайте нас:
Редакция һайлауы
Новости партнеров
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж