+1 °С
Болотло
Бөтә яңылыҡтар
«Аҡбуҙатта ҡунаҡта» фестивале ҡатнашырға саҡыра
2 апрелдә Көйөргәҙе районы Ермолаев ауылында бишенсе тапҡыр «Аҡбуҙатта ҡунаҡта» тигән республика фольклор фестивале үтәсәк. Ул 2012 йылдан алып ике йылға бер тапҡыр ойошторола.
Йылдан-йыл бәйге географияһы киңәйә бара. Үткән йылдарҙа Хәйбулла, Йылайыр, Күгәрсен, Көйөргәҙе, Мәләүез, Стәрлебаш, Стәрлетамаҡ, Ишембай, Фёдоровка, Миәкә, Мәсетле, Баймаҡ райондары, Өфө, Салауат, Сибай, Күмертау, Мәләүез ҡалаларынан балалар һәм үҫмерҙәр ҡатнашҡан.
Фестивалдең төп маҡсаты – үҫеп килеүсе быуында халыҡ йолаларын башҡарыу оҫталығын, мәҙәни-ара әңгәмә ҡороу һәләтен үҫтереү, йәш таланттарҙы башҡорт халҡының иң яҡшы мәҙәни һәм сәнғәт өлгөләренә ылыҡтырыу, Рәсәй һәм Башҡортостандың мәҙәни мираҫын һаҡлау.
Быйыл фестиваль ике этапта уҙасаҡ. Тәүгеһе онлайн режимда 18 февралдән 20 мартҡа тиклем «Бәйләнештә» селтәренең республика халыҡ ижады үҙәгенең Күмертауҙағы филиалы төркөмөндә ойошторола. Ҡатнашыу өсөн ғариза менән видеоматериалды 20 мартҡа тиклем ойоштороу комитетының [email protected] электрон почтаһына ебәрергә кәрәк. Видеояҙмаларҙы «Бәйләнештә» селтәренә #АкбузаттаКунакта #фрцнткумертау #культурныйЮГРБ #культуравЛицах #МАУРДК_Йэшлек #Куюргазинскийрайон #СвидетельМилосердия #ФРЦНТРБКумертау #мкрб #рцнт хэштектары менән ҡуйырға ла онотмағыҙ.
Гала-концерт һәм еңеүселәрҙе бүләкләү тантанаһы Көйөргәҙе районының «Йәшлек» район мәҙәниәт йортонда үтәсәк. Был сарала Ермолаев балалар сәнғәт мәктәбенең I cиныф уҡыусыһы Рәлина Сәйфуллинаның һүрәте фестивалдең эмблемаһы итеп алынған. Фестивалгә ярашлы, «Башҡорт фольклор коллективтары», «Солистар-вокалистар», «Бейеү коллективтары, солистар, дуэттар» номинациялары, «Аҡбуҙат ҡанаттары» сәсәндәр конкурсы уҙасаҡ. Сараның ойоштороусылары һәм партнёрҙары – республикабыҙҙың мәҙәниәт министрлығы, республика халыҡ ижады үҙәге, Көйөргәҙе районы хакимиәте, «Шәфҡәт шаһиты» хәйриә фонды.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж