Балдың файҙаһы

1. Акнены дауалай

Баллы битлек йөҙҙәге таптарҙан һәм ҡыҙарыуҙарҙан ҡотолорға ярҙам итә. Уны әҙерләү өсөн 1 аш ҡалағы бал һәм 1 сәй ҡалағы зәйтүн майын бергә ҡушығыҙ. Массаны йөҙөгөҙҙә 20 минут тотоп, йылы һыу менән йыуығыҙ.

2. Аш һеңдереү юлын тынысландыра

Бал ашҡаҙандың юғары кислоталылығын нормалләштереү һәләтенә эйә. Аш һеңдереү юлының лайлалы тиресәһен йомшартыу һәм тергеҙеү өсөн көнөнә ике тапҡыр ашар алдынан бер сәғәт алда 1 сәй ҡалағы бал ҡабул итергә була.

3. Стоматитты дауалай

Бал стоматит симптомдарын еңеләйтә. Мамыҡҡа бер аҙ бал һылап, теш ҡаҙнаһы өҫтөндә тотоғоҙ.

4. Йүткереүҙе еңеләйтә

200 г йылы һыуға 1⁄2 сәй ҡалағы ҡәһүә һәм 2 ҡалаҡ ярым бал һалып болғатып, көнөнә өс тапҡыр ҡабул итегеҙ. Бал тамағығыҙҙы йомшартыр, ә кофеин тын алыуҙы еңеләйтер.

5. Экземаны һәм себорея дерматитын бөтөрөүҙә булышлыҡ итә

Ауырыуҙың симптомдарын еңеләйтеү өсөн көн һайын зарарланған урынға баллы сепрәк йә мамыҡ һалығыҙ. Өс сәғәт тирәһе торһон.

6. Грипты дауалау

Бал шулай уҡ грипп симптомдарын еңеләйтергә ярҙам итәсәк. Өс сәғәт һайын бер ҡалаҡ бал ашағыҙ. Баллы сәй иһә иммунитетты нығыта.

7. Йоҡоһоҙлоҡтан интеккәндә ярҙам итә

1 аш ҡалағы балды йылы һөт ҡойолған стаканға төшөрөгөҙ. Тәм өсөн ваниль йә дәрсен өҫтәргә була.

8. Ҡырҡылған урындарҙы дауалай

Бал бактерияларҙы юҡ итергә һәләтле.

9. Герпестан ҡотолдора

Ирендәрегеҙгә һалҡын сыҡһа, көнөнә дүрт тапҡыр бал менән һуғарылған бинт һалығыҙ.

11. Иренде йомшарта

Балды скраб итеп ҡулланырға була. Ул ирендәрҙе йомшарта һәм дымландыра.

12. Спорт менән шөғөлләнгәндән һуң кәрәк

Бал ҡандағы физик күнегеүҙәрҙән һуң үҙгәргән шәкәр кимәлен яйға һала. Күнекмәләр ваҡытында ҡабул итеү ҙә файҙалы икән.