Халыҡ-ара цирк көнө 2010 йылдан тәүге тапҡыр билдәләнә башлай һәм 25 илдә, шул иҫәптән Рәсәйҙә лә, байрам ителә. Мәғлүмәттәргә ҡарағанда, донъя буйынса меңәрләгән цирк бар.
Цирк сәнғәттең боронғо төрҙәренең береһе һанала. Акробаттар, жонглёрҙар, клоундар, цирк һыбайлылары сығыштары боронғо донъя тарихында уҡ телгә алына. Тик хәҙерге цирк XVIII быуаттың аҙағында ғына барлыҡҡа килә.