Мәғариф һәм фән министры урынбаҫары Илдар Мәүлетбирҙин белдереүенсә, федераль министрлыҡтың рекомендацияһы буйынса «Һуңғы ҡыңғырау»ҙар мәктәптә яңғырамай, дистанцион рәүештә уҙғарыласаҡ. Муниципалитеттарға интернет селтәрҙәрендә онлайн-флешмобтар һәм башҡа дистанцион саралар үткәреү тураһында хаттар ебәрелгән дә инде.
Ул был тыйыуҙың шулай уҡ дүртенсе һәм туғыҙынсыларға, балалар баҡсаларының сығарылыш төркөмдәренә лә ҡағылыуын белдерҙе. Илдар Мәүлетбирҙин төркөм булып йыйылып, тәбиғәт ҡосағына сығырға ярамағанлығы хаҡында ла иҫкәртте.
Ә сығарылыш кисәләрен нисек үткәреү хәл ителмәгән әле. Мәғариф министрлығында һөйләшеүҙәр алып барыла.