-10 °С
Болотло
TelegramТестарVKOK
Бөтә яңылыҡтар
Новости
22 Июнь 2020, 21:17

Яуға киткән яҡташтарыбыҙға арналған һәйкәл асылды

Бөгөн Өфөлә тимер юлы вокзалы алдында Бөйөк Ватан һуғышына киткән яҡташтарыбыҙ иҫтәлегенә скульптура композицияһы асылды. Гранит-бронза һындарға ҡарап һәр кем нәҡ ошо вокзалдан эшелондарға тейәлеп яуға киткән олатайҙарын, өләсәйҙәрен, уларҙы оҙатып ҡалған туғандарын күҙ алдына килтерер.

Композицияла төрлө милли кейемдәге 9 һын кәүҙәләндерелгән: фронтҡа китеүселәр һәм оҙатыусылар. Уларҙы идея авторы, Премьер-министрҙың беренсе урынбаҫары Андрей Назаров үҙ иҫәбенә эшләткән. Скульптор Вадим Кириллов авторҙар коллективы менән яһаған. Бик матур, тәрән йөкмәткеле композиция килеп сыҡҡан.
Һуғыш йылдарының тотош бер эпизодын кәүҙәләндергән был һәйкәлде күреп, яуҙа һәләк булған яҡташтарҙы, олатайҙарыбыҙҙы иҫкә алыр өсөн генә лә Өфөнөң тимер юлы вокзалына барырлыҡ.
Читайте нас в