+14 °С
Болотло
TelegramVKOK
Бөтә яңылыҡтар
Новости
30 Июнь 2020, 19:27

Баш ҡалала социаль такси хеҙмәте булдырылды

Өфөлә «Deafмобиль» социаль такси хеҙмәте эшләй башлай. 1 июлдән унда I төркөм инвалидтары һәм сәләмәтлеге буйынса мөмкинлеге сикләнгән балалар бушлай йөрөй ала.

Әлеге проектты «Бөтә Рәсәй һаңғырауҙар йәмғиәте» төбәк ойошмаһы республика Башлығы гранты аҡсаһына тормошҡа ашыра. Ишетеү буйынса инвалидлығы булған водителдәр һәм ишара теле тәржемәсеһе-диспетчеры инвалидтарҙы хеҙмәтләндерәсәк. Социаль таксила пассажирҙар айына биш тапҡыр бушлай йөрөй ала.
Ҡайҙалыр барыу өсөн бер тәүлек алдан шылтыратып, яҙылырға кәрәк. Ғаризалар иртәнге 9-ҙан киске 6-ға тиклем 8(347)284-55-22 и 8(963)89-41-431 телефондары буйынса ҡабул ителә. Таксила йөрөү өсөн инвалидлыҡ справкаһы ла талап ителә.
Әйткәндәй, һандарға күҙ һалһаҡ, Өфөлә I төркөм инвалидлығы булған 9 меңдән ашыу кеше бар, шул иҫәптә балалар ҙа.
Читайте нас: