+12 °С
Ямғыр
Бөтә яңылыҡтар
Новости
28 Июль 2020, 12:05
450 кешегә сумаҙан һәм бүләккә велосипед йә фотоаппарат
75 йыл элек Өфө ҡалаһы Бөйөк Ватан һуғышында еңеүселәрҙең беренсе эшелонын ҡаршы ала.
Тап ошо көндә, 1945 йылдың 28 июлендә, 40 вагондан торған состав Өфөгә килеп туҡтай. Паровоз ҙур сәскәләр гөлләмәһе һәм Иосиф Сталиндың портреты, «Беҙ – Берлиндан!» тигән яҙыу менән биҙәлгән була. 450 кешенән торған беренсе эшелондың 290-ы – баш ҡаланан, 160-ы ауыл кешеләре була. Һәр береһенә сумаҙан, бүләккә улъя велосипед йә фотоаппарат бирәләр.
Был ваҡиға тураһында Үҙәк дәүләт архивында бер нисә документ һаҡланған. ВКП(б)-ның Өфө ҡала комитеты бюроһы ҡарар ҡабул итә. Унда яугир-фронтовиктар менән йылы осрашыуҙар ойошторорға, тип райкомдарға, партия һәм комсомол ойошмаларына йөкләмә бирә. Баш ҡалала 250 мең һум күләмендәге аҡса, 3 мең килограмлыҡ иген, 15 тонналыҡ картуф һәм йәшелсә, аҙыҡ-түлек фондтары ойошторола. Яғыулыҡ әҙерләүен көсәйтеү, торлаҡ майҙандарын арттырыу буйынса саралар күрелә. Заводтарҙа эш урындары булдырыла.
1945 йылдың 28 июлендә Өфөнөң тимер юлы станцияһы Еңеү байрамы төҫөн ала. 450 кешене вокзал алды майҙанында икмәк-тоҙ, гөлләмәләр менән ҡаршы алалар. Өр-яңынан, ҡупшы итеп кейенгән яугирҙарҙың бер өлөшө тыуған яҡтарына тиҙерәк ҡайтып етер өсөн пристангә ашыға. Улар Ағиҙел буйлап пароходта ауылдарына ҡайта. Республиканың партия етәкселәре фронтовиктарҙы трибунанан ҡотлай, тыныс хеҙмәттә уңыштар теләйҙәр. Митинг кис һуң ғына ябыла.
Фотолар: Аркадий Шайхет, Николай Ситников.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж